Galego | Castellano | English

CGAC
Horario: aberto de 11 a 20 h
Entrada gratuíta
Luns pechado




Síguenos en:
Facebook Twitter Youtube Instagram rss
WE REFUGEES . READING_STATE OF SIEGE , 2019 UN PROXECTO DE JESÚS PALOMINO. PERFORMANCE

3 outubro 2019

WE REFUGEES . READING_STATE OF SIEGE , 2019 UN PROXECTO DE JESÚS PALOMINO. PERFORMANCE

Horario: 20:00 h
Acceso libre e de balde ata completar a capacidade da sala

“Durante os meses de outubro e novembro de 2016 presentei, en colaboración co Festival Internacional de Arte e Dereitos Humanos ARTifariti, o proxecto READING_State of Siege. Este festival ten lugar cada ano nos campamentos de refuxiados saharauís de Tinduf en Alxeria.

A miña proposta foi moi sinxela: un grupo de actores-performers, homes e mulleres, lerían o poema Estado de sitio do autor palestino Mahmoud Darwish. O público convidado ao evento sentaría ao redor dos lectores, aproximadamente uns 30 ou 40 minutos, durante a devandita lectura nunha localización elixida especialmente para levar a cabo a performance. O lugar escollido foi unha silenciosa haima que xerou a atmosfera perfecta para a lectura do poema.

O público puido seguir a lectura coa axuda dun pequeno libro do poema Estado de sitio publicado especialmente para a ocasión. A edición en árabe de Estado de sitio constou de 1.000 exemplares distribuídos gratuitamente entre o público interesado dos campa- mentos. As portadas dos libros foron de cor vermella, negra, branca e verde. As mesmas cores das bandeiras da República Árabe Saharauí Democrática e de Palestina.

A lectura en árabe do poema foi un acontecemento en por si xa que os performers leron a totalidade da obra na escuridade axudándose apenas cunha pequena lanterna. Estas condicións foron especificamente deseñadas para provocar unha recepción particular e altamente estetizada da lectura. As voces no interior da haima, ás escuras, resoaron de maneira especialmente intensa a pesar de que a acción se levou a cabo de maneira antiteatral e nada afectada. Os lectores (dúas mulleres alxerianas, dous homes saharauís e outros dous alxerianos), seguindo as miñas instrucións, leron diante dun numeroso público coma se o fixesen para si mesmos, cun ritmo pausado e un ton de voz suave e concentrado. Considero que o resultado do proxecto na súa totalidade foi unha experiencia en grao sumo positiva, estimulante e catártica. Desta certeza xorde agora a idea de propoñer novamente unha acción similar con ocasión da exposición We Refugees na cidade de Santiago de Compostela en colaboración co Centro Galego de Arte Contemporánea”.

Jesús Palomino



Rúa Valle Inclán, 2
15703 Santiago de Compostela
España
Tel.: (+34) 981 546 619
Fax: (+34) 981 546 625
cgac.xunta.gal