Galego | Castellano | English

CGAC
Horario: aberto de 11 a 20 h
Entrada gratuíta
Luns pechado 

Durante o nadal, o CGAC permanecerá pechado os seguintes días:
25 de decembro
1 e 6 de xaneiro



Síguenos en:
Facebook Twitter Youtube rss

ANNA MARIA MAIOLINO

Comisario/a: Helena Tatay

Artista: Anna Maria Maiolino

4 febreiro - 1 maio 2011

A mostra, comisariada por Helena Tatay, realiza un percorrido polos cincuenta anos de traxectoria profesional desta artista, e inclúe debuxos, fotografías, películas, esculturas e instalacións, así como unha serie de creacións efémeras en barro que a artista concibiu con motivo desta mostra e que estivo levando a cabo nas salas do museo durante os días previos á inauguración. Esta instalación, titulada Unha vez máis, realizouse a partir de 6.000 kg de barro sen cocer que se irán deteriorando durante o transcurso da exposición. Na realización destas esculturas efémeras, a artista contou coa colaboración de estudantes de escultura da Escola de Arte e Superior de Deseño Mestre Mateo e de ceramistas profesionais.

Anna Maria Maiolino é unha artista multidisciplinar, cuxo traballo abrangue distintas técnicas artísticas e unha gran diversidade de temas e intereses. Desenvolve o seu traballo artístico a partir de dicotomías (dentro-fóra, positivo-negativo, ausencia-presenza, etc.), que, non obstante, concibe como elementos intrinsecamente relacionados entre os que debe establecerse forzosamente un movemento, un tránsito. O conxunto da súa obra pivota, en certo modo, sobre a idea de transformación.

Folleto da exposición

Rúa Valle Inclán, 2
15703 Santiago de Compostela
España
Tel.: (+34) 981 546 619
Fax: (+34) 981 546 625
cgac.xunta.gal