Galego | Castellano | English

CGAC
Horario: aberto de 11 a 20 h
Entrada gratuíta
Luns pechado

Síguenos en:
Facebook Twitter Youtube rss

ANTONI SOCÍAS. TEORÍA E PRÁCTICA DO DESERTO

Comisario/a: Santiago Olmo

Artista: Antoni Socías

31 marzo - 12 de xuño 2016

A exposición Teoría e práctica do deserto, expón un percorrido polos procesos que atravesan o traballo de Antoni Socias, vinculando desde a fricción fotografía e pintura, obxecto, instalación e vídeo.

Nos seus traballos aparece unha predilección polos paradoxos e tamén polo absurdo que sutilmente se converte nunha larvada crítica social e política desde as pequenas cousas, subliñando a importancia das actitudes no cotián.

Neste sentido moitos dos seus traballos, mesmo os pictóricos, teñen algo de performance. En ocasións, a performance aparece na radical importancia que asumen na súa obra os procesos e as metodoloxías de traballo, outras veces nunha dinámica de escenificación seriada na que a presenza do artista é un autorretrato autocrítico que permite establecer unha crítica social desde os resortes dun absurdo rigoroso (non hai nada arbitrario ou casual) que ilumina a realidade doutro xeito.

O día da inauguración ás 19:00 horas, na sala de reunións do padroado do CGAC, terá lugar unha conversa entre Santiago Olmo, comisario da exposición, e os artistas Antoni Socías e Caramo Fanta.
A partir das 21:30 horas, Enric Socias (imaxe) e Borja Vega (son) ofrecerán en directo unha performance audiovisual titulada HIPN. 


Folleto da exposición

Audio da conferencia [castelán] (Antoni Socías, Caramo Fanta e Santiago Olmo, 31 de marzo de 2016)

Laboratorio de ideas con Antoni Socías

Novas relacionadas


Catálogo
Rúa Valle Inclán, 2
15703 Santiago de Compostela
España
Tel.: (+34) 981 546 619
Fax: (+34) 981 546 625
cgac.xunta.gal