Galego | Castellano | English

CGAC
Horario: aberto de 11 a 20 h
Entrada gratuíta
Luns pechado
Síguenos en:
Facebook Twitter Youtube rss

EN CONSTRUCIÓN

Comisario/a: Santiago Olmo

Artista: Lara Almarcegui, Marlon de Azambuja, Pablo Barreiro, Carlos Bunga, Rosendo Cid, Björn Dahlem, Tamara Feijoo, María Luisa Fernández, Fernanda Fragateiro, Juan Gopar, Hisae Ikenaga, Kiko Pérez, Tobias Rehberger, Jessica Stockholder, Héctor Zamora

6 xullo - 28 outubro 2018

As estreitas relacións entre arte e arquitectura ao longo do século XX converteron a idea de construción nunha clave imprescindible para comprender a nosa relación co espazo, a paisaxe e a casa, pero sobre todo coa vivencia práctica do obxecto artístico.

O propio acto creativo xorde do que podemos definir como un impulso construtivo. A idea de construción vincúlase á arquitectura, pero tamén moi estreitamente á escultura, á pintura e ao debuxo así como a unha certa concepción do obxecto como deseño e moi particularmente á instalación.

Esta exposición propón un acercamento á idea de construción a partir da obra de artistas moi dispares que non obstante comparten un interese pola análise e as metodoloxías propias da construción. Así mesmo, con motivo da celebración do 25.º aniversario do museo, deseñado polo arquitecto portugués Álvaro Siza Vieira e inaugurado en 1993, este proxecto pon de relevo a función que como espazo de diálogo desempeñou o edificio do CGAC.




Rúa Valle Inclán, 2
15703 Santiago de Compostela
España
Tel.: (+34) 981 546 619
Fax: (+34) 981 546 625
cgac.xunta.gal