TARDEO NO CGAC. TALLERES PARA PÚBLICO INFANTIL
Os mércores á tarde contaremos con esta nova actividade dirixida ao público infantil. O seu obxectivo é estimular o interese das persoas máis novas na creación artística contemporánea e incentivar a aprendizaxe a través da experimentación coa arte. Nestas sesións didácticas e de lecer, que terán lugar no CGAC, merendaremos e realizaremos actividades, de xeito individual e colectivo, centradas nos procesos creativos. Nas distintas sesións, abordaremos tanto a plástica como a expresión corporal ou a experimentación sonora. Crearemos con luces, con obxectos cotiáns, coa palabra, con elementos da natureza ou coa fotografía. Trataremos conceptos como o peso, o equilibrio, a escala, a repetición, a acumulación ou a asociación, como estratexias creativas, para achegarnos ás múltiples posibilidades de produción artística que existen na arte actual.
CALENDARIO
17 de xaneiro. Prazo de inscrición: do 13 ao 16 de xaneiro
24 de xaneiro. Prazo de inscrición: do 18 ao 22 de xaneiro
31 de xaneiro. Prazo de inscrición: do 25 ao 29 de xaneiro
7 de febreiro. Prazo de inscrición: do 5 ao 6 de febreiro
21 de febreiro. Prazo de inscrición: do 15 ao 20 de febreiro
28 de febreiro. Prazo de inscrición: do 22 ao 27 de febreiro
6 de marzo. Prazo de inscrición: do 29 de febreiro ao 5 de marzo
13 de marzo. Prazo de inscrición: do 7 ao 12 de marzo
20 de marzo. Prazo de inscrición: do 14 ao 19 de marzo
3 de abril. Prazo de inscrición: do 27 de marzo ao 2 de abril
10 de abril. Prazo de inscrición: do 4 ao 9 de abril
17 de abril. Prazo de inscrición: do 11 ao 16 de abril
24 de abril. Prazo de inscrición: do 18 ao 23 de abril
15 de maio. Prazo de inscrición: do 8 ao 14 de maio
22 de maio. Prazo de inscrición: do 16 ao 21 de maio
29 de maio. Prazo de inscrición: do 23 ao 28 de maio
Nenos e nenas de 4 a 6 anos
Todos os talleres son de balde. As persoas interesadas poderán inscribirse, dentro dos prazos establecidos, a través do correo electrónico onlinecgac@gmail.com indicando os seguintes datos: nome completo e idade de cada participante, número de teléfono e enderezo electrónico de contacto, nome e número de DNI das persoas autorizadas para recoller os e as menores no CGAC e a data do taller ao que desexan asistir. Poderase inscribir un máximo de dúas persoas mediante cada solicitude. As prazas cubriranse por orde de inscrición. Cada solicitante recibirá unha notificación por correo electrónico a modo de resposta.