Galego | Castellano | English

CGAC
Horario: aberto de 11 a 20 h
Entrada gratuíta

Luns pechado 


Síguenos en:
Facebook Twitter Youtube Instagram rss
SEGUINTE

PAULINE OLIVEROS. RETROSPECTIVA

Comisario/a: Álvaro Rodríguez Fominaya

Artista: Pauline Oliveros

25 febreiro - 13 xuño 2021. Dobre Espazo, auditorio e vestíbulo do auditorio

O CGAC, en colaboración co C3A de Córdoba, presentará en 2021 a primeira mostra retrospectiva da compositora estadounidense Pauline Oliveros (Houston, Texas, 1932-­‐2016).

Pauline Oliveros é unha pioneira da música electrónica e creadora do concepto de deep listening (escoita profunda). Nos anos sesenta participa na fundación do San Francisco Tape Center, do que será primeira directora trala súa integración no Mills College. O seu traballo no ámbito da improvisación, a meditación, a performance, a música electrónica e o seu labor como académica, editora e activista, desbordan calquera intento de clasificación. A súa investigación ao redor da escoita e o son, culmina coa creación da Deep Listening Band e a fundación do Deep Listening Institute, actualmente coñecido como Center for Deep Listening en Rensselaer (Troy, Nova York).

Pauline Oliveros colaborou con moitos dos grandes músicos, coreógrafos e artistas da súa época, entre os que están Steve Reich, John Cage, David Tudor, Merce Cunningham, Elaine Summers, Alison Knowles, Allan Kaprow, Paula Josa-­Jones, Deborah Hay, Sonic Youth, Susan Marshall e Ione.

A mostra inclúe unha selección de documentos inéditos, fotografías, gravacións e audiovisuais mediante os cales se percorre a traxectoria creativa desta compositora. 

Debido á actual situación sanitaria, para garantir o acceso seguro a todos os contidos da exposición Pauline Oliveros. Retrospectiva  recomendámoslle ao público que veña provisto do seu propio xogo de auriculares e dun dispositivo móbil con lector de códigos QR. 

Folleto da exposición
Rúa Valle Inclán, 2
15703 Santiago de Compostela
España
Tel.: (+34) 981 546 619
cgac@xunta.gal