Na véspera do Samaín, o artista madrileño Jack Mircala chega ao Centro Galego de Arte Contemporánea cargado coas súas cartolinas, lapis de cores, pegamentos, tesoiras e cutters, e disposto a desvelar os segredos que o converteron nun dos ilustradores máis orixinais do panorama español. O CGAC exhibirá asemade Baixada a Esquela, unha mostra das pequenas pezas tridimensionais que forman parte do proceso de creación deste artista. Caixas nas que constrúe escenarios a base de cartolinas e que despois fotografa —sen retoques nin trucos dixitais— para trasladar ao papel e ilustrar historias máxicas que, combinadas con textos de creación propia, nos levan a un fértil e infinito imaxinario persoal. Acompañados polo artista, os rapaces e rapazas asistentes ao taller visitarán a exposición e poderán analizar as claves do traballo de Mircala e descubrir as posibilidades dos materiais máis sinxelos e accesibles.
Busca
23- 31 outubro Organizadas conxuntamente polo Centro Galego de Arte Contemporánea, a Universidade de Santiago de Compostela, o Auditorio de Galicia e o Concello de Santiago, estas xornadas constitúen un exemplo de diálogo entre institucións esenciais da cidade de Santiago e contan tamén coas colaboracións fundamentais do Consorcio de Santiago, o Consorcio para Promoción da Música da Coruña, a Cidade de Cultura, a Xunta de Galicia, o Conservatorio Profesional de Música de Santiago, o Conservatorio Profesional de Danza de Lugo e o Centro Nacional de Difusión Musical.
21 e 26 decembro Fotografar un espazo de arte contemporánea, camiñar na procura da mirada persoal arredor das exposicións e do edificio de Álvaro Siza ou o parque de San Domingos de Bonaval é a proposta do fotógrafo Fuco Reyes (Santiago de Compostela, 1965) para esta sesión de achegamento que vincula imaxe e arquitectura.
Coa chegada do Nadal, o CGAC propón varios talleres de creación artística para nenas e nenos de 6 a 9 anos, nos que poderán explorar e experimentar a natureza a partir da exposición do artista Fernando Casás, o agora xa foi e o denantes será. A artista e educadora Paula Pellón, guiará os grupos na busca de expresións persoais e procesos artísticos coa natureza como inspiración, material de traballo e marco de acción.
28 xaneiro - 1 febreiro O principal obxectivo do seminario Arte e subxectividade é evitar que se cree unha única vía de pensamento sobre o universo artístico. Para iso traballaremos cunha idea que considero fundamental: a política como ética e a ética como política. A ética tratada sen sentido moral e a política no sentido máis totalizador, como elemento de enfrontamento e cuestionamiento da codificación da realidade alienante e superestruturada da actualidade.
Este venres, 25 de xaneiro, entre as 11 e as 13.30 horas celebraremos un taller experimental de arquitectura en colaboración co COAG (Colexio de Arquitectos de Galicia) e Asociación de Pais de Persoas con Transtorno de Espectro Autista.
9 febreiro O auditorio do CGAC acollerá o Foro DAG: propostas de avance para o deseño, unha iniciativa da Asociación Galega de Deseñadores dirixida a todas as persoas interesadas no deseño e no papel que este debe xogar na sociedade actual.
O CGAC continúa a desenvolver o proxecto Sen moverte do sofá (idea orixinal de Arquitectives), un ciclo de talleres de arquitectura que pretende dar a coñecer aos asistentes diferentes cidades coa axuda doutros compañeiros do territorio español que, coma eles, participan no proxecto.
“Convido a todos os estudantes a desenvolver ideas e a poñelas en práctica, antes de que sexa tarde”. Miguel Palma O taller comezará cunha visita á mostra que acolle o CGAC, Miguel Palma. Desconforto moderno, en compañía do propio artista. Logo de percorrer as salas de exposición, propiciarase unha conversa arredor de diversos conceptos e puntos de vista sobre a arte contemporánea. Os participantes poderán facer a súa propia peza artística —de xeito individual ou en grupo— coa axuda de Miguel Palma, mais sen directrices técnicas nin estéticas. Coproducido por Sigo torcendo
O CGAC continúa a desenvolver o proxecto Sen moverte do sofá (idea orixinal de Arquitectives), un ciclo de talleres de arquitectura que pretenden dar a coñecer aos asistentes diferentes cidades coa axuda doutros compañeiros do territorio español que, coma eles, participan no proxecto.
O artista mexicano Sebastián Romo traballa a partir das sutilezas da construción do cotián. Unha reflexión sobre a escultura e as súas relacións co espazo realizada por un prometedor artista novo
30 abril O CGAC acolle a presentación do documental The Ghost of Piramida, unha película de Andreas Koefoed sobre a visita que o grupo danés Efterklang realizou en Piramida, preto do Polo Norte, para crear o seu último disco. A partir das 20.30 h. Entrada de balde até completar a capacidade do auditorio.
7 maio - 11 xuño Novas citas dentro do ciclo de visitas guiadas conducidas por profesionais do ámbito cultural e artístico para as exposicións Miguel Palma: Desconforto moderno e Colección CGAC: adquisicións e incorporacións recentes.
Para celebrar o Día Internacional dos Museos diferentes museos da cidade compostelá organizan actividades de xeito conxunto. Dentro desta programación, o CGAC inicia unha nova edición do ciclo Música e arte. Correspondencias sonoras, que comezará o xoves 16 de maio, e comparte co Museo do Pobo Galego o espectáculo de danza Dous espazos, tres movementos o sábado 18 de maio.
En colaboración coa Área de Filoloxía Catalá da Universidade de Santiago de Compostela organizamos un novo ciclo de cinema co obxectivo de levar a lingua e cultura catalás alén das aulas. A actividade contará coa presenza dos directores Marcel·lí Antúnez e Esteve Riambau que presentarán o seus filmes; o profesor Xosé Nogueira, Secretario do Centro de Estudos Fílmicos (CEFILMUS), que abordará o universo teatral de Joaquim Jordà e, por último, unha mesa redonda na que intervirán o catedrático de Historia do Cinema Ángel Luís Hueso, xunto os propios Antúnez, Riambau e Nogueira.
As conversas colectivas son accións que buscan integrar a escritura e a súa emisión sonora a través da voz e da fala, en relación cos distintos niveis discursivos que están presentes na obra de arte contemporánea. Construídas sempre en grupo, de maneira multivocal e polifónica, e buscando actuar no campo de emisión rítmica da instalación presente no espazo expositivo —xunto aos diagramas e os obxectos—, as conversas colectivas desenvólvense en tres etapas
Este xoves 20 de xuño ás 22:00 horas, o CGAC colabora coa USC pechando o ciclo de lecer e coñecemento Nerd Nites en Santiago de Compostela. A cita dará comezo na cafetería do CGAC para, se o tempo o permite, subir despois á terraza e contemplar o ceo con telescopios.
Un verán máis, o CGAC programa os seus talleres de lecer nos meses de xullo e agosto. O obxectivo é que os nenos e nenas reflexionen sobre a importancia da arte para comprender o mundo que os rodea e que teñan a oportunidade de se implicar nos procesos creativos da man de artistas e profesionais de diferentes disciplinas culturais. Xogar, coñecer, comunicarse e experimentar cos múltiples soportes, linguaxes, técnicas e conceptos da arte máis actual.
A música contemporánea é un campo en transformación constante, as novas ideas xeran novas formas musicais que precisan novas ferramentas e iso será o que amosarán ao público estas Xornadas de Música Contemporánea que se enriquecen con achegas xurdidas en Galicia (que nos últimos anos se converteu nun activo referente neste eido coa creación de novos conxuntos especializados na música contemporánea) como as de Vertixe Sonora Ensemble, o Taller Atlántico Contemporáneo ou o recentemente creado Música Práctica. Entradas á venda
Venres, 5 de xullo, na sala de exposición terá lugar a lectura pública na que se presentarán os resultados do traballo realizado polos participantes no taller Conversas colectivas co artista Ricardo Basbaum ao longo da semana.