Busca

No taller búscase que, mediante o diálogo, as persoas participantes vaian comprendendo que hai sutís decisións que afectan ao sentido da obra e o modifican. Dado que todo acto creativo é extremadamente complexo, requírese de distintos enfoques para ir descubrindo as razóns das decisións que imos tomando no proceso; por iso indagaremos sobre o sentido dasnosas ideas estéticas, as intencións conceptuais destas e as cargas emocionais que impulsan o acto creador.

Na súa terceira edición, a feira de arte contemporánea Cuarto Público consolida o seu apoio á produción artística cunha nova convocatoria aberta de participación: o I Encontro de Performance Cuarto Público.

Para este Nadal o CGAC programou dous obradoiros dirixidos a nenos e nenas entre os 4 e os 9 anos. As actividades xirarán arredor da pintura, a escritura, as viaxes emocionais, a poesía, a natureza, os camiños, as pegadas e outras ideas que se desprenden da exposición Interaccións, do artista Javier Vallhonrat, que poderá visitarse no CGAC até o 27 de marzo de 2016.

El Documental del mes é unha iniciativa da produtora Parallel 40, nacida no ano 2004 no marco do proxecto europeo CinemaNet Europe. Ten como obxectivo achegar o xénero documental ao maior número de espectadores posible e incrementar a presenza do documental europeo nas pantallas cinematográficas. Inclúe a estrea dun filme documental de calidade, de temática e procedencia diversa en 45 cidades españolas e, desde 2009, tamén de Chile e Arxentina.

MANIFESTA, IMAXINA, EXPERIMENTA, SINTE!O arquitecto Fermín Blanco, a través do equipo didáctico de Sistema Lupo, propón unha serie de talleres de arquitectura dirixidos ao público infantil. O obxectivo é proporcionarlles aosnenos e nenas as claves necesarias para interpretar a arquitectura contemporánea mediante o legado das figuras máis relevantes do noso tempo neste eido.

Estes encontros pretenden ser un lugar de traballo e reflexión ao redor do presente e do futuro dos centros e institucións de arte contemporánea. Nun momento de cambios, tanto na esfera social e política coma na dirección do propio CGAC e doutras institucións públicas galegas, cremos oportuna esta cita para falar sobre o modelo de museo que queremos e necesitamos, compartindo experiencias de profesionais da escena galega e tamén de fóra de Galicia. Unha actividade que pretende situar o CGAC como foro e espazo de debate, como lugar de encontro a partir das preguntas, da crítica e da reflexión.

Afro Modern: Journeys through the Black Atlantic inspírase na transcendental obra de Paul Gilroy, The Black Atlantic: Modernity and Double Consciousness (1993). Esta é a primeira exposición que examina polo miúdo a influencia que sobre a arte exerceron as diversas culturas negras do Atlántico dende principios do século XX ata os nosos días. Empezando polo rastro da arte africana na expresión modernista de artistas como Picasso, e acabando coa obra de artistas contemporáneos coma Ellen Gallagher e Kara Walker, a mostra quere poñer de manifesto como artistas de todo o Atlántico reivindicaron de diversos xeitos a linguaxe do modernismo como un arma poderosa para explorar, formular e afirmar a súa propia identidade.

Tomando como punto de partida a actitude crítica do artista para con todo o relacionado coa arte e a sociedade que a promove de forma recorrente, este laboratorio pretende, máis alá de calquera cuestionamento das actitudes máis acomodaticias do sistema, indagar sobre as evidentes necesidades dun futuro tan incerto coma urxente.

Por cuarto ano consecutivo o CGAC colabora coa Universidade de Santiago de Compostela no desenvolvemento das nerd nites.

Coa intención de promover encontros para a reflexión entre os profesionais do sector, o IAC organiza desde 2014 mesas redondas abertas ao público en colaboración con distintas institucións españolas dedicadas á arte contemporánea.

Con motivo do Día Internacional dos Museos (DIM), o 18 de maio, o CGAC propón unha semana de actividades para diversos públicos. O ICOM (Consello Internacional de Museos) é unha organización internacional de museos e profesionais dirixida á conservación, mantemento e comunicación do patrimonio natural e cultural do mundo, presente e futuro, tanxible e intanxible. O lema que o ICOM propón este ano 2016 para celebrar o día é Museos e paisaxes culturais.

O CGAC en colaboración coa USC presenta a sexta edición do ciclo Música e arte. Correspondencias sonoras. Un encontro entre a música e a arte do noso tempo no que teñen cabida todas as expresións creativas actuais. O obxectivo do proxecto é dar a coñecer as estéticas máis avanzadas, os compositores máis destacados do novo panorama musical e as perspectivas de desenvolvemento máis interesantes da nova música. Baixo o comisariado de Vertixe Sonora, novos autores do panorama internacional compoñen obras orixinais a partir das exposicións, autores e obras do Centro Galego de Arte Contemporánea.

O taller que propón Marisa González (Bilbao, 1945), desenvolverase ao redor da súa práctica artística no marco da exposición Rexistros domes

A televisión é esencial para entender a evolución histórica da imaxe e da cultura audiovisual. Desde o seu nacemento revelouse como o medio de comunicación de masas máis influínte debido á súa inmediatez e a unha capacidade case innata por adaptarse aos gustos do espectador.

A historia da humanidade é tamén a historia da mirada. Da luz das estrelas ás sombras das cavernas, o ser humano tratou sempre de ver máis aló, de transcender a súa realidade cotiá. E coa súa insaciable pulsión escópica, coa súa resistencia a pechar os ollos, naceron tamén a ilusión, o soño e a fantasía: o desexo, en definitiva. O cinema chegou moito despois, como prolongación natural dese desexo.

A artista Rebeca Mariño propón un ciclo de talleres de experimentación artística dirixido a familias con nenos e nenas de idades comprendidas entre os 4 e os 9 anos. Un momento paradescubrir, crear e gozar en familia arredor da arte contemporánea.

Como cada ano, o CGAC presenta unha oferta de talleres para nenos e nenas durante o verán, que se desenvolverán, nesta ocasión, ao longo do mes de xullo. Con eles convidamos os pequenos a participaren en diversas experiencias artísticas enrelación coa arte contemporánea.

O proxecto de Rubén Santiago enmárcase dentro do evento de arte pública A cidade interpretada, unha iniciativa da Concelaría de Cultura do Concello de Santiago de Compostela coproducida nesta segunda edición co Xacobeo e co CGAC.

Comeza o verán e con el as sesións de cinema ao aire libre no CGAC, este ano cun ciclo dedicado ao cinema checo con películas vinculadas, na súa maioría, ao movemento da Nová vlna, a Nova Onda Checa.