CURTOCIRCUITO 2015

06 Outubro 2015 - 11 Setembro 2015

Un ano máis o CGAC colabora co festival internacional de cine Curtocircuíto na súa 12ª edición.

O festival naceu en Santiago de Compostela no ano 2003 como unha iniciativa do concello da cidade coa intención de potenciar a creación cinematográfica no ámbito da curtametraxe.

Doce anos despois, Curtocircuíto é un festival destacado no panorama estatal que traballa en contacto directo con outros festivais de Europa. Na súa sección oficial compiten curtametraxes de todo o mundo e nas seccións paralelas ofrécese unha ampla variedade de duracións e formatos, tendo sempre a contemporaneidade e o risco como referentes. Este é un festival comprometido co seu tempo, que apoia os creadores e creadoras, a formación e a participación da cidadanía. Mais alá de ser un festival de cine, coas súas actividades paralelas e concertos, Curtocircuíto quere converterse nun punto de encontro lúdico e cultural.


ACTIVIDADES NO CGAC

Taller de Oliver Laxe
7, 8 e 9 de outubro
De 10 a 14 h e de 16 a 20 h
Taller de educación do CGAC

Gravación do programa El séptimo vicio de Radio 3
8 de outubro
16.30 h
Auditorio do CGAC

Canteiras. Presentación de Looking for Bill Viola
8 de outubro
17.30 h
Auditorio do CGAC

Xornadas sobre distribución online. Modelos de distribución: converxencias en internet
8 e 9 de outubro
De 12 a 14 h
Auditorio do CGAC

Presentación Filmadrid, Tabakalera, Novos Cinemas, La plantación, Unitaria
10 de outubro
De 12 a 14.30 h
Taller de educación do CGAC

Sesión vermú
10 de outubro
De 14 a 15 h
A Cantina do CGAC