Prepara a túa visita

Horario

O horario de apertura do CGAC é o seguinte:

De martes a domingo, de 11 a 20 h
Luns, pechado
Días de peche: 1 e 6 de xaneiro, 24, 25 e 31 de decembro

O desaloxo das salas comezará 10 minutos antes da hora de peche, excepto no caso de visitas ou actividades programadas fóra do horario de apertura ao público.

Localización e acceso

O museo está no número 2 da rúa Ramón del Valle Inclán en Santiago de Compostela.

A porta principal está situada debaixo dun atrio cuberto na fachada sur do edificio e pódese acceder a través dunha rampla ou de dous tramos de escaleiras.

A cafetería do CGAC dispón dun acceso independente situado na fachada leste do edificio, xunto á entrada ao parque de Bonaval.

Entrada e visitas guiadas

A entrada ás exposicións é de balde.

O CGAC ofrece visitas guiadas con e sen cita previa ás súas exposicións temporais durante todo o ano. Todas as modalidades son gratuítas e se realizan co acompañamento de mediadoras especializadas en arte.

Normas xerais de acceso

Os menores de 14 anos deben ir sempre acompañados dunha persoa adulta.
Por motivos de seguridade, non se permite o acceso ás instalacións do CGAC con maletas, bolsas ou mochilas cuxo tamaño supere os 30 x 30 cm. Así mesmo, está expresamente prohibido o acceso ás salas de exposición con paraugas, trípodes, bastóns con punta ou calquera outro obxecto ou substancia que poida supoñer un risco para a integridade das persoas ou as obras de arte.
No interior do edificio e salvo que se indique expresamente o contrario, está permitido realizar fotografías con teléfonos móbiles ou cámaras de man.
O uso de flash, paus de móbil, trípodes ou outros elementos de estabilización non está permitido.
Non está permitida a gravación de imaxes de vídeo no interior do edificio sen a autorización previa da xerencia ou do departamento de prensa do centro.
Está prohibido o acceso de animais ao interior do edificio, excepto cans guía ou auxiliares terapéuticos coa acreditación correspondente.
Non está permitido acceder ás salas con comida ou bebida.
Non se permite o acceso ao edificio con patinetes, monopatíns, bicicletas ou patíns.

Servizos

Wifi

O CGAC dispón de rede wifi de balde no edificio para facilitarlles ás persoas usuarias o acceso aos recursos dixitais.

Armarios

O centro dispón de armarios individuais na antesala do auditorio para gardar os efectos persoais de maneira segura durante a visita.

Primeiros auxilios

Se durante a súa visita xorde algunha necesidade sanitaria, a caixa de primeiros auxilios está no vestíbulo do centro. Solicítelle axuda ao persoal de recepción.

Accesibilidade

O CGAC, no seu compromiso coa accesibilidade universal, traballa na continua mellora dos seus servizos para lograr a plena accesibilidade e no desenvolvemento dunha programación educativa que ofreza unha atención de calidade a públicos diversos.

O edificio está equipado con ramplas e ascensores que facilitan o acceso e a circulación pola práctica totalidade dos espazos abertos ao público. Existe un aseo adaptado para persoas con mobilidade reducida na primeira planta, xunto á biblioteca.