WOSINC é un encontro de carácter anual que defende unha visión ampla da cultura alternativa e de vangarda. Coa música como motor principal pero cunha clara vocación multidisciplinar, promove, a partir dun contexto íntimo, a procura e difusión de novas propostas culturais.
Música, artes visuais, cinema, artes escénicas, coloquios, conferencias e gastronomía danse cita do 7 ao 11 de setembro en dez espazos emblemáticos de Santiago de Compostela.
WOSINC é unha iniciativa da produtora compostelá Work on Sunday, en colaboración con diferentes axentes culturais galegos. Conta co apoio do Concello de Santiago de Compostela, o Centro Galego de Arte Contemporánea (CGAC), o Teatro Principal, a Sala Capitol, a Fundación Eugenio Granell, a Fundación Cidade da Cultura, a Sala Malatesta, a Sala Riquela, a Igrexa da Universidade de Santiago, o Mercado de Abastos e NUMAX.