Compostela. Beat Streuli

Con motivo da exposición Compostela o Centro Galego de Arte Contemporánea publica unha serie de libros de artista que documentan as achegas de diversos fotógrafos e vídeo-artistas a un proxecto integral que xira arredor da cidade de Santiago e as súas contornas. O traballo de Beat Streuli caracterízase por documentar a presencia humana en espacios urbanos. A partir dunha serie de imaxes de persoas que conflúen nun punto emblemático da cidade, a Porta da Mámoa, Streuli enfróntase, pola primeira vez, ó reto de captar a singularidade dunha cidade de reducidas dimensións. Esta publicación inclúe unha presentación do artista asinada por Miguel Fernández-Cid e un texto crítico de Gregory Volk.