Con motivo da exposición Compostela o Centro Galego de Arte Contemporánea publica unha serie de libros de artista que documentan as achegas de diversos fotógrafos e vídeo-artistas a un proxecto integral que xira arredor da cidade de Santiago e as súas contornas. A publicación vinculada a obra de Montserrat Soto expón a súa investigación sobre a percepción e o espazo. A artista prolonga os límites arquitectónicos a través dunha estratéxica disposición de imaxes que funcionan como ventás ou miradoiros, xerando un xogo visual que modifica a relación do espectador coa paisaxe. As súas fotografías, moitas veces enfrontadas ou fragmentadas, presentan escenarios nus e paisaxes deshabitadas que, lonxe de ser abstraccións, funcionan simultaneamente como fondo e figura.