Compostela. Roland Fischer

Con motivo da exposición Compostela o Centro Galego de Arte Contemporánea publica unha  serie de libros de artista que documentan as achegas de diversos fotógrafos e vídeo-artistas a un proxecto integral que xira arredor da cidade de Santiago e as súas contornas. Esta publicación de Roland Fischer recolle unha serie de fotografías manipuladas dixitalmente, mediante as cales ofrece a súa persoal visión dalgúns dos máis emblemáticos edificios construídos en Santiago de Compostela nos últimos tempos. O libro inclúe texto de presentación do artista, asinado polo comisario da exposición Miguel Fernández-Cid, e un texto crítico de Santiago B. Olmo titulado: “No interior da arquitectura”.