James Casebere. Asylum

Este catálogo acompaña a primeira exposición en España de James Casebere, organizada polo Centro Galego de Arte Contemporánea en colaboración co Museo de Arte Moderna de Oxford. As súas fotografías evocan escenas cotiás, encadres que nos resultan familiares, aínda que están lonxe de transmitirnos esa sensación acolledora dun ambiente íntimo. Escenarios que, tratados de forma illada, inerte ou misteriosa, transforman pictóricamente a vida cotiá a partir do momento en que reconstrúen, desde a arquitectura, unha realidade próxima. Casebere reconstrúe meticulosamente estes espazos, peza a peza, mediante coidadosas maquetas creadas no seu estudo.