Menchu Lamas. A sombra na man. A viaxe das formas

Con motivo da presentación simultánea en Santiago e Milán da mostra A sombra na man / A viaxe das formas o Centro Galego de Arte Contemporánea edita un catálogo no que se inclúe unha selección das súas obras máis recentes, que conservan o selo inconfundible do neoexpresionismo de raíz galega característico dos seus comezos no mundo da pintura. Os ensaios do comisario da mostra, o director do CGAC e os críticos John Yau e Roberto Pinto ofrecen unha análise conxunta da traxectoria coherente e personal de Menchu Lamas, que soubo crear unha linguaxe propia e universal recoñecida pola reiteración de motivos dispostos en primeiro termo sobre fondos de cores planas.