Pamen Pereira. Gabinete de traballo, o encontro coa sombra

O traballo de Pamen Pereira móvese entre o debuxo, a pintura, a escultura, a instalación; en ocasións a fotografía ou o vídeo, ou calquera outro medio ou materia útil para concretar o acto creativo. O seu proceso de creación, fundido xeralmente coa experiencia vital, está moi vinculado á natureza, de onde extrae a maior parte das súas imaxes.

Este catálogo acompaña a exposición, que revisa a traxectoria da artista a partir da metáfora do taller como lugar de creación, espazo de diálogo e misterio.