Roman Signer (Appenzell, Suíza, 1938) defínese como un homo faber, un escultor que opera coas tres dimensións espaciais e o tempo dando orixe a fenómenos efémeros, intanxibles (eventos, cando non existen observadores, e accións, se o público está presente) rexistrados en formato Súper 8, e posteriormente en vídeo e en fotografías.
Este catálogo presenta a selección de obras amosadas no Centro Galego de Arte Contemporánea nos meses de xaneiro a abril de 2006 canda os textos da comisaria da mostra, Maria do Céu Baptista, o crítico e curador Gehrard Mack e o director do CGAC, Manuel Olveira. A achega documental do catálogo completase coa entrevista realizada polo crítico italiano Angelo Capasso, na que se abordan os aspectos máis destacados da traxectoria creativa do artista.