Sarah Dobai presenta no CGAC unha mostra de fotografía e vídeos que nos sitúa na fronteira entre o animado e o inanimado, explorando unha rede de preocupacións temáticas que configuran un inquietante universo de personaxes limítrofes e paisaxes urbanos. A exposición, comisariada por Alberto Martín, afonda na capacidade da artista para diluír fronteiras e xerarquías, transformando elementos cotiáns, como o fume dun cigarro (Smoke, 1998) ou a pintura derramada (Spill, 1998-99), en protagonistas que desafían as convencións narrativas. A súa obra, caracterizada por unha intensa suspensión temporal, elimina referencias de pasado e futuro, confinando ao espectador nun presente tenso e cargado de significado, onde a narración cede paso á experiencia inmediata do instante.
Este catálogo inclúe textos de Simon Morrissey e John Slyce, ofrencedo unha visión crítica sobre a súa obra.