Tracey Moffatt entende a fotografía como unha forma de mirar onde a realidade fíltrase a través de experiencias, soños e recordos. As súas obras transmiten información sobre contextos culturais, —principalmente australianos, pero tamén americanos e europeos—, reflectindo a súa visión e relación con estas contornas. Aínda que evocan unha narrativa, moitas veces intuímos que algo está a pasar, pero descoñecemos o antes e o despois, determinantes sen dúbida necesarios para que as imaxes illadas adquiran movemento.
Non fai comentarios precisos -políticos- sobre a realidade social: expón situacións de tensión que logo son interpretadas polo espectador. Tracey Moffatt non pretende contar senón deixar ver, brillar, sinalar. Con ela, a obra de arte confírmase como exercicio, como mirada, tanto por quen a propón como por quen ao contemplala dálle sentido.
Esta publicación recolle o texto de Régis Durand e a entrevista realizada a Tracey Moffatt por Marta Gili.