Retratos urbanos de cidades tan distantes fisica e culturalmente como Beijing, Bruxelas, Nova York, Copenhague, Amsterdam, Budapest, Istambul e Praga, realizados entre 1995 e 1997, foron protagonistas de desire/at last. A exposición consistía nunha montaxe de diapositivas do que derivou a instalación multimedia Mondophrenetic™, mostrada en Bruxelas e no CGAC de Santiago de Compostela. Un sofisticado sistema técnico, posto ao servizo de música e imaxes, como medio para unha drástica e sutil reflexión sobre a identidade individual e colectiva. Ante os ollos do espectador sucédense imaxes de edificios de apartamentos da periferia de cidades como Bruxelas, Nova York, Beijing, Helsinqui, A Coruña, Paris, Saraievo ou Bombai. Imaxes que podemos identificar nun momento, pero tamén podemos sentilas intercambiables, sustitutivas. "Sexa en China ou nos Estados Unidos, o bloque de pisos ten o mesmo aspecto en todas partes pero alberga unha gran variedade de vidas".
Fieis á idea de prolongar o proxecto en novos formatos publícase este libro de artista.