Os textos que conforman esta publicación son o resultado dunha investigación sobre a paisaxe en Galicia realizada durante o ano 2007 e parte do 2008. O título xeral do proxecto no que se encadra esta investigación, A trama rururbana, alude á realidade paisaxística que comezou este diálogo. Esta trama é o resultado de factores coñecidos: a improvisación urbanística, o desenvolvemento dun modelo de economía terciaria, a marxinación histórica de Galicia, a relación coa mobilidade dos habitantes, emigración/inmigración dentro e fóra da nosa comunidade... Pero a finalidade desta investigación non era deterse nestes fac-tores máis ou menos consensuados, como tampouco propoñer medidas correc-toras. Pola contra, un dos puntos de partida foi entender que os dous termos que definen esta realidade, o rural e o urbano, non existen como extremos senón como unha realidade cambiante e complexa.