LEGADOS. ESPAZOS PARA O COIDADO DAS CREACIÓNS CONTEMPORÁNEAS. Xornada

Legados. Espazos para o coidado das creacións contemporáneas é un proxecto que nace da preocupación compartida co sector da arte contemporánea polo destino dos legados dos artistas de maior idade, así como pola situación económica e xurídica que adoita acompañar este colectivo. O CGAC, en colaboración coa Fundación DIDAC, acolle unha xornada de traballo coa vontade de situar o debate no contexto galego, analizar as particularidades do tecido artístico local e abrir un espazo de diálogo sobre o futuro dos legados e arquivos de artistas contemporáneos.

A iniciativa, impulsada pola Fundación Gabeiras, aborda a necesidade de garantir a conservación, a xestión e a transmisión do patrimonio artístico contemporáneo, ofrecendo un marco de reflexión e propostas concretas a través dun estudo sociolóxico e dun informe xurídico elaborados en colaboración con Gabeiras & Asociados.

Tras as presentacións realizadas en setembro de 2023 no Museo Nacional Centro de Arte Reina Sofía de Madrid, en abril de 2024 no Museu d’Art Contemporani de Barcelona (MACBA) e en xullo do mesmo ano no Museo Ruso de Málaga, o proxecto inicia agora unha segunda fase. Nesta nova etapa amplíase o ámbito de traballo ás artes escénicas e á música, e incorpórase a análise e a preservación dos arquivos coreográficos, líricos e musicais desde unha perspectiva interdisciplinaria.

PROGRAMA

9:30-9:45 h.
BENVIDA INSTITUCIONAL
Santiago Olmo, director do Centro Galego de Arte Contemporánea (CGAC)
Roger Dedeu, presidente da Fundación Gabeiras

9:45-10:45 h.
MESA DE ARTISTAS. O LEGADO COMO ELEMENTO ESENCIAL DA MEMORIA DAS E DOS ARTISTAS CONTEMPORÁNEOS
Modera: Laura Carro, presidenta da delegación do Instituto de Arte Contemporáneo (IAC) en Galicia
Participan: Pepe Barro, deseñador, escritor e escritor; Marisa Fernández, artista; Juan de Nieves, comisario do legado da artista Berta Cáccamo; María América Díaz, xestora cultural. Isaac Díaz Pardo

10:45-11:15 h.
PAUSA-CAFÉ

11:15-12:15 h.
MESA INSTITUCIÓNS E CENTROS DE ARTE. A PROFESIONALIZACIÓN DOS LEGADOS
Modera: Paula Cabaleiro Comesaña, coordinadora da Sección de Creación e Artes Visuais Contemporánea do Consello da Cultura Galega (CCG)
Participan: Santiago Olmo, director do Centro Galego de Arte Contemporánea(CGAC) - Arquivo Camilo José Cela; David Barro, director de Es Baluard Museu d’Art Contemporani de Palma; Rosario Peiró, directora da Área de Coleccións do Museo Nacional Centro de Arte Reina Sofía (MNCARS); Diana Duo Ramila. Departamento de educación do museo de Pontevedra. O legado de Castelao

12:15-13:00 h.
MESA DE ARTES ESCÉNICAS E MÚSICA
Modera: Patricia Gabeiras, directora e socia fundadora de Gabeiras & Asociados
Participan: Patricia de Lorenzo, presidenta de Escena Galega (Asociación Galega de Empresas de Artes Escénicas); Xesús Ron, actor, dramaturgo, director e activista cultural. Chévere - Sala Nasa; Chus López Elvira, xefa do servizo do Arquivo da Corporación de Servizos Audiovisuais de Galicia (CSAG); Sabela Mendoza, investigadora, creadora e xestora cultural especializada en danza e artes performativas

13:00-13:45 h.
PRESENTACIÓN DO PROXECTO LEGADOS
Roger Dedeu, presidente da Fundación Gabeiras

13:45-14:30 h.
DEBATE E CONCLUSIÓN