PLATAFORMA. FESTIVAL DE ARTES PERFORMATIVAS 2023
Plataforma. Festival de Artes Performativas naceu cunha vocación e un obxectivo que continúa sendo o mesmo: enriquecer a potencia cultural de Santiago de Compostela. Na súa cuarta edición, converteuse xa nun dos festivais de referencia da cidade e Plataforma non é un evento fácil de etiquetar, xa que se trata dun proxecto de carácter transversal que baixo o fío da performatividad quere tender pontes entre as artes visuais e as artes vivas, a música, a arquitectura, a poesía e outras disciplinas artísticas, buscando traballar en rede, programando accións performativas que están en relación coas liñas de acción de institucións públicas ou privadas como o Centro Galego de Arte Contemporánea (CGAC), a Fundación DIDAC, a Fundación Granell ou a sede compostelá da Sociedad General de Autores y Editores (SGAE). Esa complicidade permite presentar iniciativas que, polo seu carácter experimental e híbrido, habitualmente non teñen espazo nas programacións museísticas ou nas programacións estables de ámbito cultural, fomentando en moitos casos a colaboración entre artistas de diferentes disciplinas, o que favorece o cruzamento de públicos diversos e interesantes conexións creativas. Unha cita cultural imprescindible para as primeiras semanas de xuño.
Plataforma no CGAC
Xoves 15/06/2023
CGAC, Doble Espazo
Marc Vives
La Fiesta. Performance.
Horario: 18.00 h
Duración: 60 minutos
Entrada libre ata completar aforo
A Festa é unha peza en formato escénico que toma como punto de arranque unha conferencia de Roger Caillois do 1939 con título homónimo. Fragmentos do devandito texto, a súa lectura e relectura en voz interior e exterior, a procura dun lugar dentro do espazo, unha postura que propón unha emisión de voz, ou un movemento que resultará ser un ritmo percutido son algúns dos disparadores para achar a formulación improvisada dunha serie de cánticos. As frases son deglutidas, incorporadas e devoltas de maneira sintética e fragmentada a través da voz e certa xestualidade sincopada. As frases toman novas corporeidades despegadas do seu referente orixinal. O ritual consta en repetir este acontecemento unha e outra vez, con outras frases que chaman a labrar melodías descoñecidas desde a suor e o esforzo. O obxectivo non é outro que tratar de vencer a unha temporalidade e converter todo nun continuo. O contido performático da peza, bebe de maneira velada de tradicións vocais de diversas procedencias e segue na procura e incorporación de vínculos reais da festa ancestral en territorio mediterráneo.
Marc Vives CV
Na súa investigación artística recente, Marc Vives (Barcelona, 1978) fíxase nas formas e protocolos das actividades de lecer, nos tempos que articulan a dicotomía entre rutina, vida regular e festa, lugar de excepción. As súas últimas propostas leváronlle a poñer o foco en enclaves concretos como a montaña de Montjuïc ou a Costa Brava que son visitados dede o mar, a través de exercicios nadatorios e de canto. Froito destas prácticas constrúe os seus traballos escénicos.
Na área da práctica artística, formou parte do dúo Bestué/Vives (2002-2012), cuxa obra está nas coleccións de MNCARS, MACBA, CGAC, entre outras, e que chegaron a exponer na 53 Bienal de Venecia. A título individual o seu traballo bascula entre as artes visuais e as artes en vivo, así como dende a docencia, presentando en espazos como Redcat, Los Ángeles, Rogaland Kunstsenter, Stavanger (Noruega); EACC, Castelló, Fundación Joan Miró, Barcelona, etHALL, Barcelona; Mercat de les Flors, Barcelona e Antic Teatre, Barcelona, entre outros.
Tamén iniciou diversos proxectos independentes (L´Estruch, Hamaca, YProductions, Por la Vena, Radiobucket) actualmente é socio fundador da cooperativa de artistas Tractora Koop. E e codirixe GRAF.cat. Dedícase á docencia e á práctica relacional a través de laboratorios como Escola Massana, ou CA2M.
CGAC, Doble Espazo
Cristina Balboa
Roland I feel you. Performance
Horario: 20.00 h
Duración: 40 minutos
Entrada libre ata completar aforo
Roland, I feel you é unha acción performativa que fusiona palabra, música e movemiento. Está concibido como un monodrama de desexo e música desde o gozo, a composición en tempo real, a intuición musical e a relación co público.
“Roland é un instrumento para o amor. Roland son eu, que lo acendo e ti que les isto. Roland é un facilitador de encontros, unha necesidade absoluta de comunidade e afectos. Roland é unha ferida aberta, un conflicto coa vida, unha contradición perpetua e unha búsqueda de amor infinito. Roland é unha viaxe sonora entre o emocional do presente e o goce creativo co fin de compartirnos, de xerar complicidades e identificación, de recoñecernos como parte dun colectivo e achegar a nosa valiosa fraxilidade.”
Cristina Balboa
Cristina Balboa é unha creadora galega que ten como motor a presentación escénica do absurdo cotiá na procura dun diálogo xeracional onde a palabra, a acción, a danza,o audiovisual e a música se misturan na súa proposta artística. Investiga sobre a posibilidade de transformación social e persoal que ten a arte atravesando a súa obra con elementos narrativos que basculan entre a ironía, o humor, o hedonismo ou incluso a desesperación. Escribe desde o autobiográfico para xerar identificación co espectador reflectindo sobre a vida desde o cotiá e poñendo o seu corpo e experiencia como centro da dúbida sobre o que somos. As súas últimas creaciones desde a súa Cía. Funboa Escénica son Technocracia (2020), O que segue (2019), Masa madre + sal marina (2018), Sushi Gratis (2015), Sigue Buscando (2013), Oiseau Rebelle (2011) e os monólogos Biolóxica (2013 ) e No me cuentes tu vida (2012). Realizou o Máster en Práctica Escénica e Cultura Visual da UCLM presentando a pieza de Fin de Máster Lo que mejor hacemos en el escenario en el 2017. Actualmente é dramaturga residente no Centro Dramático Nacional.