Novas

Venres, 15 de Abril do 2016

MARISA GONZÁLEZ. REXISTROS DOMESTICADOS

A mostra presenta o desenvolvemento coherente das motivacións de Marisa González e a súa procura de solucións para responder a problemas das sociedades actuais en diálogo coa reflexión permanente sobre o que é a arte e sobre o papel que pode desempeñar no mundo contemporáneo.

Folleto da exposición

Dossier de prensa

Xoves, 31 de Marzo do 2016

ANTONI SOCÍAS. TEORÍA E PRÁCTICA DO DESERTO

A exposición Teoría e práctica do deserto, expón un percorrido polos procesos que atravesan o traballo de Antoni Socias, vinculando desde a fricción fotografía e pintura, obxecto, instalación e vídeo. Nos seus traballos aparece unha predilección polos paradoxos e tamén polo absurdo que sutilmente se converte nunha larvada crítica social e política desde as pequenas cousas, subliñando a importancia das actitudes no cotián.

Folleto da exposición

Dossier de prensa

Xoves, 29 de Outubro do 2015

JAVIER VALLHONRAT. INTERACCIÓNS

O proxecto Interaccións desenvolveuse en contornas de alta montaña e de meteoroloxía extrema. O artista traballou nestes ámbitos creando imaxes onde a incerteza e a imprevisibilidade se confrontan coa humana necesidade de control e previsibilidade. A experiencia do tempo lento e o espazo incerto da alta montaña, danse en condicións que propician a sensación de vulnerabilidade. En tales circunstancias, a percepción do nicho ecolóxico e geoclimático da alta montaña, alleo e ameazante, transfórmase paulatinamente en percepción dun lugar igualmente vulnerable, no que o coñecemento e a experiencia inmediata poden dialogar fronte a condicións de incerteza.

Folleto da exposición

Dossier de prensa

Venres, 18 de Setembro do 2015

ARISSA. A SOMBRA E O FOTÓGRAFO 1922-1936

A sombra e o fotógrafo amosa a evolución de Arissa desde o pictorialismo até a vangarda da Nova Visión, e faino a través dunha coidada selección de máis de cento cincuenta fotografías realizadas entre 1922 e 1936. Estas imaxes fálannos dun fotógrafo do seu tempo, que participa dos avances tecnolóxicos e as novas correntes artísticas do medio achegando a súa visión particular a partir dos experimentos realizados na intimidade do seu pequeno taller.

Folleto da exposición

Dossier de prensa

Venres, 24 de Abril do 2015

VAL DE OMAR. A MECAMÍSTICA DO CINE

A obra de José Val del Omar (Granada, 1904-Madrid, 1982) é o resultado das súas facetas de inventor, poeta visual e cinemista. Con este neoloxismo Val del Omar quixo unir a actividade do alquimista e a do cineasta e definir deste xeito a súa orixinal aproximación ao cinema: a través da investigación tecnolóxica e dunha estética experimental propia.

Folleto da exposición


Dossier de prensa