Confesión xeral é unha retrospectiva de Luis Gordillo, comisariada por Juan Antonio Álvarez Reyes, director do Centro Andaluz de Arte Contemporánea de Sevilla e Santiago Olmo, director do CGAC. A exposición é a primeira mostra do artista sevillano en Galicia e permite realizar un percorrido polo seu traballo desde as series de debuxos de raíz informalista de finais dos anos cincuenta ata as obras fotográficas e pictóricas nas que emprega as lonas como soporte e as infografías como ferramentas.
Novas
Xoves, 22 de Xuño do 2017
LUGAR: CONTINXENCIAS DE USO
Lugar: continxencias de uso constitúe un achegamento á significación existencial do espazo arquitectónico. O proxecto mostra obras site-specific das artistas Patricia Esquivias, Luciana Lamothe e Sofía Táboas producidas para distintas localizacións do edificio de Álvaro Siza. A orixe das súas propostas desenvólvese no ámbito da cidade contemporánea e a arquitectura, á vez que teñen como denominador común a promoción de actos que interpelan contornas arquitectónicas concretas. Os seus traballos falan do tectónico, da morfoloxía dos materiais aos elementos construtivos; da dimensión histórica e simbólica á perceptiva e cognitiva, que é en último termo o fin que xustifica a construción espacial e polo tanto a arquitectura.
Folleto da exposición
Videopresentación
ttp://artishockrevista.com/2017/09/26/lugar-contingencias-espana/
https://www.arteinformado.com/agenda/f/lugar-contingencias-de-uso-141461
http://www.expressan.com/lugar-contingencias-de-uso-cgac-lamothe-esquivias-taboas/
http://www.arte.gal/2017/06/23/lugar-continxencias-de-uso/
Venres, 2 de Xuño do 2017
BAÑISTAS. FOTOGRAFÍAS ATOPADAS, 1880-1963
Bañistas está constituído por un amplo conxunto de fotografías anónimas de mozos seminús, cubertos apenas cun traxe de baño, retratados en contacto coa natureza. Mozos que aparecen no exterior: á beira das praias, das piscinas ou no campo, en lagoas ou ríos, e que recrean a tradicional iconografía dos bañistas que tivo gran predicamento ao longo de toda a historia da arte.
Este proxecto expositivo enmárcase nesa vía de traballo amplamente desenvolvida internacionalemente (pero aínda practicamente descoñecida en España), na que ese material fotográfico democrático, anónimo, abandonado, pobre e vulgar pasa a se converter, por mor do gusto, o coñecemento e o sentido estético dos creadores e coleccionistas, nun artefacto cultural, nunha produción artística, nun proxecto expositivo e editorial. E iso todo é xustamente o que pretende ser Bañistas.
Venres, 17 de Febreiro do 2017
[EX]POSICIÓNS CRÍTICAS. DISCURSOS CRÍTICOS NA ARTE ESPAÑOLA, 1975-1995
O proxecto [EX]POSICIÓNS CRÍTICAS. Discursos críticos na arte española, 1975-1995, dirixido por Santiago Olmo e comisariado por Armando Montesinos e Mariano Navarro, pretende facer visible a existencia de criterios e interpretacións críticas que conformaron discursos e liñas teóricas diferentes, en ocasións con elementos compartidos e noutras claramente enfrontados, o que desmente así o lugar común de que no mundo da arte española non houbo un pensamento crítico.
Venres, 4 de Novembro do 2016
BERTA CÁCCAMO. EXPANSIÓN ENSAIO
De vocación temperá, Berta Cáccamo (Vigo, 1963) creceu nun universo ligado á creación. Considerada unha das pintoras españolas mais importantes da súa xeración , foi capaz de destilar influencias afastadas no tempo, sempre disposta ao debate coa súa obra, cos problemas da arte e coas súas imaxes.
Esixente e reflexiva, a súa pintra é produto dunha mirada inquieta, emocional e afectiva. Por iso é polo que o título da exposición fale de expansión porque a súa obra é ao tempo un proxecto vital, e de ensaio, porque se escribe en presente continuo e se inscribe na memoria da pintura como material fundamental.
Folleto da exposición
Dossier de prensa
Esixente e reflexiva, a súa pintra é produto dunha mirada inquieta, emocional e afectiva. Por iso é polo que o título da exposición fale de expansión porque a súa obra é ao tempo un proxecto vital, e de ensaio, porque se escribe en presente continuo e se inscribe na memoria da pintura como material fundamental.
Folleto da exposición
Dossier de prensa