Un ano máis, O CGAC organiza un ciclo de talleres sobre arte contemporánea para familias. Pais, nais, tías, tíos, avoas, avós... poden gozar cos máis pequenos investigando e experimentando coa arte en sesións prácticas de creación. Os nenos e nenas de entre 4 e 9 anos están convidados a vir con dous dos seus familiares a participar nesta actividade que ten lugar a terceira fin de semana de cada mes. Esta edición estará dedicada á arte…
Actividades
O Departamento de Actividades e Educación do CGAC desenvolve o seu programa cunha finalidade primordial: achegar a arte á sociedade a través da análise rigorosa de cuestións cruciais inherentes á actividade artística contemporánea.
Ciclos de cine e de conferencias, talleres, seminarios e concertos constitúen a oferta fundamental de actividades do centro, que procura involucrar un abano de público que oscila desde o sector profesional do mundo da arte e da cultura ata o cada vez máis numeroso colectivo de artistas e estudantes de belas artes e historia, sen esquecer a todas aquelas persoas interesadas na evolución da arte e a reflexión estética.
Ao mesmo tempo, o CGAC desenvolve programas específicos para centros educativos, así como un servizo de visitas guiadas, co propósito de dotar os distintos colectivos que se achegan ao museo das ferramentas necesarias para entender a arte actual e, por extensión, o mundo no que vivimos.
Se desexa recibir información sobre as actividades do CGAC, pode solicitalo enviando unha mensaxe aos seguintes enderezos electrónicos:
1 Outubro 2017 - 3 Xuño 2018
Un ano máis, o primeiro domingo de cada mes ás 18:30 h, desde outubro ata xuño (agás no mes de xaneiro), o CGAC organiza un filocafé na súa cafetaría. Este ano a Asociación Galega da Crítica unirase aos filocafés no CGAC.
28 Maio 2018 - 31 Maio 2018
A relación que establezo a través da miña obra co espazo urbano e público parte máis dun interese por desenvolver unha linguaxe ca dunha inclinación cara á cidade en si mesma. O desenvolvemento das miñas propostas sobre urbanismo e arquitectura xorde dun vínculo moi estreito coas rúas da Habana, e non dunha predilección polo urbanismo como fenómeno conceptual.
21 Maio 2018 - 25 Maio 2018
Desde hai dúas décadas Claudio Zulian desenvolve un intenso labor de creación e reflexión arredor da cuestión do territorio, entendido como aquela parte do mundo que experimentan de maneira concreta os grupos, as sociedades e os individuos. As súas instalacións visuais e sonoras, películas, fotografías, poemas, prosas e ensaios exploran a densidade e a complexidade dos territorios tal e como son producidos, definidos e vividos na…
18 Outubro 2017 - 23 Maio 2018
Os corpos do cinema é unha reflexión sobre a figura e a súa relación cos espazos no medio audiovisual. Baixo este pretexto, analizaremos como o corpo transita en diferentes contextos cinematográficos, ben desde unha perspectiva de xénero (comedia, musical, western...), de cineastas (Jacques Tati, Michelangelo Antonioni, Béla Tarr, Leos Carax...) ou de narrativas e espazos diversos (personaxes errantes, a cidade, a estrada, a adolescencia,…
14 Maio 2018 - 20 Maio 2018
Este ano o Consello Internacional de Museos (ICOM), que desde 1946 acompaña os axentes da comunidade museística na súa misión de preservar, conservar e transmitir os bens culturais, propón traballar arredor do lema Museos hiperconectados: enfoques novos, públicos novos. Cada 18 de maio, co obxectivo de subliñar o papel dos museos no desenvolvemento da sociedade e da cultura, o CGAC súmase á celebración do Día Internacional dos…
28 Abril 2018
É posible empregar a arte contemporánea como un recurso transversal na aula? Trataremos de responder a esta pregunta ao longo deste taller teórico-práctico no que traballaremos con distintos procesos de creación empregados na arte contemporánea. A partir da exposición de Antoni Muntadas no CGAC, Estratexias do desprazamento, exploraremos algúns dos conceptos presentes no traballo deste artista para desenvolver actividades e procesos…
28 Decembro 2017 - 5 Xaneiro 2018
Durante as vacacións de nadal o CGAC acolle dous talleres dirixidos a nenos e nenas arredor da suxestiva exposición «Y», do artista Álvaro Negro. Unhas actividades dirixidas aos máis pequenos coas que poderán experimentar e explorar a arte contemporánea. Un tempo para coñecer e mergullarse nos procesos creativos a través das linguaxes, soportes, materiais, técnicas e conceptos propios da arte máis actual. Para os máis novos,…
30 Maio 2013 - 21 Decembro 2017
En colaboración coa Área de Filoloxía Catalá da Universidade de Santiago de Compostela organizamos un novo ciclo de cinema co obxectivo de levar a lingua e cultura catalás alén das aulas. A actividade contará coa presenza dos directores Marcel·lí Antúnez e Esteve Riambau que presentarán o seus filmes; o profesor Xosé Nogueira, Secretario do Centro de Estudos Fílmicos (CEFILMUS), que abordará o universo teatral de Joaquim Jordà e, por último,…