PROGRAMA
TALLER DE PLÁSTICA CREAR CUN CHISME
Datas: do 7 ao 10 de xullo
Horario: de 9:00 a 14:00 h
Dirixido a nenos e nenas de 4 a 6 anos.
Prazas: 15
Imparte: Sofía Mediero
Prazo de inscrición: do 28 de maio ao 3 de xullo
Actividades
O Departamento de Actividades e Educación do CGAC desenvolve o seu programa cunha finalidade primordial: achegar a arte á sociedade a través da análise rigorosa de cuestións cruciais inherentes á actividade artística contemporánea.
Ciclos de cine e de conferencias, talleres, seminarios e concertos constitúen a oferta fundamental de actividades do centro, que procura involucrar un abano de público que oscila desde o sector profesional do mundo da arte e da cultura ata o cada vez máis numeroso colectivo de artistas e estudantes de belas artes e historia, sen esquecer a todas aquelas persoas interesadas na evolución da arte e a reflexión estética.
Ao mesmo tempo, o CGAC desenvolve programas específicos para centros educativos, así como un servizo de visitas guiadas, co propósito de dotar os distintos colectivos que se achegan ao museo das ferramentas necesarias para entender a arte actual e, por extensión, o mundo no que vivimos.
Se desexa recibir información sobre as actividades do CGAC, pode solicitalo enviando unha mensaxe aos seguintes enderezos electrónicos:
7 Xullo 2026 - 31 Xullo 2026
27 Xuño 2026
De 11:00 a 13:00 h
Un ano máis, o CGAC e o barrio de San Pedro únense para celebrar as súas populares festas cunha interesante proposta de actividades. Con este motivo, o museo organiza sendos talleres de creación colaborativa deseñados para acoller un fluxo continuo de xente durante dúas horas. O público poderá rematar o seu traballo nun e tomar parte no outro.
8 Febreiro 2026 - 31 Maio 2026
Domingos de 17:00 h a 19:30 h
O CGAC propón este novo laboratorio de escritura, que se desenvolverá ao longo de catro meses en sesións quincenais.
O proxecto é un cruzamento entre a literatura e a arte conceptual no que as persoas participantes escribirán a súa propia biografía.
31 Xaneiro 2026 - 31 Maio 2026
De 11:00 a 13:00 h
O CGAC presenta a décima primeira edición deste ciclo de obradoiros dedicado á arquitectura contemporánea para o público infantil e, como vén sendo tradicional, pecharemos o programa cun obradoiro dirixido ás familias.
24 Xaneiro 2026 - 24 Maio 2026
sábados e domingos, de 11:00 a 13:00 h
Volvemos voar polo mundo con esta nova edición dos talleres para familias! Unha proposta onde tanto pequenos coma maiores poderán mergullarse nas múltiples posibilidades da arte contemporánea, experimentar e descubrir os procesos creativos dun xeito lúdico e libre, a partir do traballo de diversos artistas de zonas xeográficas nas que moitas veces non se pon o foco.
22 Decembro 2025 - 30 Decembro 2025
Este Nadal o CGAC organiza dous talleres dirixidos a nenos e nenas de entre 4 e 9 anos. Trátase dunha actividade lúdica que lles permitirá achegarse á arte contemporánea e experimentar distintas prácticas creativas da man das educadoras Sofía Mediero e Lucía Amoedo.
9 Abril 2025 - 19 Novembro 2025
Mércores quincenais, de 18:30 a 20:30 h
O forno da Amara é un proxecto de participación cidadá cuxo obxectivo é tender pontes entre o CGAC e os habitantes máis veteranos dos barrios veciños.
14 Novembro 2025
De 17:00 a 21:00 h
Inscrito no marco do programa de actividades que o IGFAE, o CESGA e o CGAC organizan con motivo da Semana da Ciencia, este taller propón un encontro entre ciencia e arte, no que se explorará como os principios da física cuántica —superposición, incerteza, entrelazamento e observación— poden inspirar novas formas de creación e movemento na danza contemporánea.
1 Xullo 2025 - 18 Xullo 2025
Co verán chegan os talleres de lecer do CGAC. Nesta edición, comezaremos desentrañando o universo cinematográfico, construiremos un xogo como motor para a creatividade, deseñaremos fanzines e remataremos facendo un ocorrente exercicio literario para retratar as nosas vidas.