Actividades

O Departamento de Actividades e Educación do CGAC desenvolve o seu programa cunha finalidade primordial: achegar a arte á sociedade a través da análise rigorosa de cuestións cruciais inherentes á actividade artística contemporánea.

Ciclos de cine e de conferencias, talleres, seminarios e concertos constitúen a oferta fundamental de actividades do centro, que procura involucrar un abano de público que oscila desde o sector profesional do mundo da arte e da cultura ata o cada vez máis numeroso colectivo de artistas e estudantes de belas artes e historia, sen esquecer a todas aquelas persoas interesadas na evolución da arte e a reflexión estética.

Ao mesmo tempo, o CGAC desenvolve programas específicos para centros educativos, así como un servizo de visitas guiadas, co propósito de dotar os distintos colectivos que se achegan ao museo das ferramentas necesarias para entender a arte actual e, por extensión, o mundo no que vivimos.

Se desexa recibir información sobre as actividades do CGAC, pode solicitalo enviando unha mensaxe aos seguintes enderezos electrónicos:  
cgac.educacion@xunta.gal
cgac.pedagogia@xunta.gal

O número de prazas dispoñibles para participar nas actividades do CGAC poderá variar en función dos posibles cambios normativos relacionados coa COVID-19.

Durante todo o ano
Aberto de 11 a 20 h
Entrada gratuíta
Luns pechado

SEN CITA PREVIA

Durante todo o ano

VISITAS GUIADAS FIN DE SEMANA

Visitas guiadas á arquitectura e á historia do CGAC

28 Novembro 2021
17:30h

Como complemento á exposición Pingas rompentes, a artista Carmen Nogueira realizará unha actividade que abrangue reflexións arredor do crecemento da cidade, os seus fluxos, a influencia do mar e a súas dinámicas.

18 Maio 2021 - 23 Maio 2021

CGAC participa un ano máis na celebración do día internacional dos museos proposto polo ICOM que, baixo o lema “O futuro dos museos: recuperar e reimaxinar”, invita os museos, os seus profesionais e as comunidades xurdidas arredor deles a crear, imaxinar e compartir.

En 2021 programamos actividades para diversos públicos vinculadas á música, ás artes audiovisuais, á arquitectura e ás exposicións.

24 Marzo 2021 - 8 Maio 2021

No marco do proxecto Cultivar incertezas. Reformular o espazo/Conmocionar a mirada, Natalia Poncela coordinará o espazo de documentación e análise Aula Aberta, un dispositivo expositivo para reflexionar acerca da metodoloxía e os procesos aplicados ao ensino superior das belas artes desde a súa implantación no sistema universitario galego. 

29 Abril 2021
19:00 horas

No marco da exposición David Lamelas.

28 Abril 2021
18:30 horas

En decembro de 2020 saíu do prelo A arte está feita dunha materia incerta e fragmentaria, o primeiro libro da serie CGAC_Ensaio, unha colección que nace vinculada á convocatoria anual dun premio de investigación e ensaio sobre arte contemporánea impulsado polo museo desde 2018.

25 Setembro 2020 - 10 Xaneiro 2021
Venres e xoves ás 18:30 h

Presentacións e mesas redondas organizadas por Antón Patiño.

26 Outubro 2020

Dada a situación actual, a celebración do DIM 2020 dixitalízase mediante a organización de actividades en liña. As actividades presenciais levaranse a cabo no mes de novembro.CONCERTO TREATISE DE SUELEN ESTAR QUARTET 15 de novembroHorario: 19:30 hAuditorio do CGAC

26 Xuño 2020

Presentación do libro Christian Villamide. In Landscape Mode O venres 26 de xuño ás 18:30 horas, o CGAC presenta o catálogo da exposición In Landscape Mode, do artista Christian Villamide, que tivo lugar no CGAC do 27 de setembro de 2019 ao 23 de febreiro de 2020. Ao acto asistirán Anxo Lorenzo, director xeral de Políticas Culturais, a comisaria da exposición Paula Cabaleiro, o artista Christian Villamide, e o director do CGAC…