O obxectivo deste programa é fomentar e facilitar o diálogo entre o público e a arte contemporánea co ioga como ferramenta para a mediación.
Actividades
O Departamento de Actividades e Educación do CGAC desenvolve o seu programa cunha finalidade primordial: achegar a arte á sociedade a través da análise rigorosa de cuestións cruciais inherentes á actividade artística contemporánea.
Ciclos de cine e de conferencias, talleres, seminarios e concertos constitúen a oferta fundamental de actividades do centro, que procura involucrar un abano de público que oscila desde o sector profesional do mundo da arte e da cultura ata o cada vez máis numeroso colectivo de artistas e estudantes de belas artes e historia, sen esquecer a todas aquelas persoas interesadas na evolución da arte e a reflexión estética.
Ao mesmo tempo, o CGAC desenvolve programas específicos para centros educativos, así como un servizo de visitas guiadas, co propósito de dotar os distintos colectivos que se achegan ao museo das ferramentas necesarias para entender a arte actual e, por extensión, o mundo no que vivimos.
Se desexa recibir información sobre as actividades do CGAC, pode solicitalo enviando unha mensaxe aos seguintes enderezos electrónicos:
26 Novembro 2024
18:30 h
O catálogo da exposición Almudena Fernández Fariña. Pisando charcos, que tivo lugar no CGAC entre xullo e setembro de 2023, propón unha completa revisión da traxectoria desta artista viguesa, que destaca sobre todo pola súa contribución ao entendemento da pintura como un xénero permeable cuxo potencial de diálogo co contexto se multiplica en virtude da súa capacidade para expandirse alén do marco.
27 Xaneiro 2024 - 16 Novembro 2024
De 11:00 a 13:30 h
Propoñemos un novo percorrido arquitectónico que anime a todos os públicos a percorrer a cidade e gozar da súa arquitectura para descubrir aqueles espazos urbanos que experimentaron transformacións nas últimas décadas.
15 Outubro 2024 - 17 Outubro 2024
No marco de Aberto 2024 e co obxectivo de promocionar as propostas artísticas e curatoriais da Asociación de Galerías de Arte Contemporánea de Galicia, o pasado 19 de setembro tivo lugar a inauguración simultánea da tempada expositiva 2024-2025 coa participación de nove galerías galegas.
5 Abril 2024 - 11 Outubro 2024
As relacións entre arte e ciencia non sempre son evidentes e, en ocasións, mesmo pode custar entendelas. Con todo, historicamente determinaron cambios nas metodoloxías de traballo de ambas as disciplinas, favoreceron a implementación de novas ferramentas e contribuíron a modificar as perspectivas.
13 Maio 2024 - 19 Maio 2024
O Consello Internacional de Museos (ICOM) propón para celebrar o Día Internacional dos Museos o lema “Museos pola educación e a investigación”.
Arredor deste evento, o CGAC programa unha semana de actividades gratuítas vinculadas á didáctica e á música contemporánea, á educación artística e á creación plástica, á performance e mais á historia da fotografía, alén dunha visita guiada aos recantos menos coñecidos do CGAC.
14 Xaneiro 2023 - 16 Decembro 2023
de 11:00 a 13:30 h
A arquitectura e o urbanismo contemporáneos son os grandes descoñecidos da cidade de Compostela. Esta ruta recolle unha mostra das actuacións feitas nos últimos cincuenta anos que, de forma continua, foron definindo e singularizando a zona norte da cidade. Falaremos da relación entre a arquitectura e a paisaxe, do diálogo entre a tradición e a modernidade, da pedra e das novas linguaxes arquitectónicas....
18 Novembro 2023 - 13 Decembro 2023
Ao longo do ano levaremos a cabo unha serie de sesións de ioga que terán como marco as exposicións temporais do CGAC, os suxestivos espazos arquitectónicos que as conteñen e os espazos naturais do parque de Bonaval, deseñados por Álvaro Siza Vieira e pola arquitecta e paisaxista Isabel Aguirre.
15 Maio 2023 - 21 Maio 2023
Para celebrar o 18 de maio, este ano o Consello Internacional de Museos (ICOM) propón o lema “Museos, sostibilidade e benestar”.