Este Nadal o CGAC presenta dous talleres impartidos polos artistas Xesús Carballido e Rebeca Mariño dirixidos a nenos e nenas de entre 4 e 9 anos.Nesta edición, os participantes poderán reflexionar sobre a importancia da arte para comprender o mundo que os rodea a partir das mostras de Carlos León e Rosendo Cid e da súa vinculación co obxecto artístico.
Actividades
O Departamento de Actividades e Educación do CGAC desenvolve o seu programa cunha finalidade primordial: achegar a arte á sociedade a través da análise rigorosa de cuestións cruciais inherentes á actividade artística contemporánea.
Ciclos de cine e de conferencias, talleres, seminarios e concertos constitúen a oferta fundamental de actividades do centro, que procura involucrar un abano de público que oscila desde o sector profesional do mundo da arte e da cultura ata o cada vez máis numeroso colectivo de artistas e estudantes de belas artes e historia, sen esquecer a todas aquelas persoas interesadas na evolución da arte e a reflexión estética.
Ao mesmo tempo, o CGAC desenvolve programas específicos para centros educativos, así como un servizo de visitas guiadas, co propósito de dotar os distintos colectivos que se achegan ao museo das ferramentas necesarias para entender a arte actual e, por extensión, o mundo no que vivimos.
Se desexa recibir información sobre as actividades do CGAC, pode solicitalo enviando unha mensaxe aos seguintes enderezos electrónicos:
18 Maio 2014 - 16 Decembro 2014
No mes de maio, coincidindo coa celebración do Día Internacional dos Museos e co apoio da Universidade de Santiago de Compostela, comeza a V edición de Música e arte: correspondencias sonoras. O programa deste ciclo de creación, que promove o diálogo entre a música e a arte do noso tempo, ten como punto de partida as exposicións de Diego Santomé, Rosângela Rennó e Carlos León que albergará o CGAC no segundo semestre de 2014.
30 Setembro 2014 - 11 Decembro 2014
El Documental del Mes é unha iniciativa da produtora Parallel 40, nacida no ano 2004 no marco do proxecto europeo CinemaNet Europe. Ten como obxectivo achegar o xénero documental ao maior número de espectadores posible e incrementar a presenza do documental europeo nas pantallas cinematográficas. Inclúe a estrea dun filme documental de calidade, de temática e procedencia diversa en 45 cidades españolas e, desde 2009, tamén de Chile e…
2 Decembro 2014 - 9 Decembro 2014
Novas citas do ciclo de visitas guiadas conducidas por profesionales do ámbito cultural e artístico para as exposicións de Hospitalidade. Obras da colección e Rosendo Cid. O enxeño da escaleira.
9 Novembro 2014 - 30 Novembro 2014
Entre o 9 e o 30 novembro volve o festival Cineuropa, este ano na súa XXVIII edición. Como vén sendo habitual o CGAC converterase nunha das súas sedes e acollerá parte da súa programación fílmica.
28 Novembro 2014
Filippos Tsitsopoulos (Atenas, 1967). É un artista multidisciplinar. Estudou Pintura na Universidad Aristoteleion de Tesalónica e posteriormente o doutoramento na Universidade Complutense de Madrid. As súas obras toman forma de instalación, vídeo-teatro e media art.
3 Outubro 2014 - 1 Novembro 2014
O vindeiro 3 de outubro comeza unha nova edición das Xornadas de Música Contemporánea. Ao longo de todo o mes, haberá máis de dezaoito concertos que recollen as últimas tendencias e novidades no terreo da música contemporánea.
25 Setembro 2014 - 29 Outubro 2014
Novas citas do ciclo de visitas guiadas conducidas por profesionales do ámbito cultural e artístico para as exposicións de Juan Uslé. Luz oscura, Mark Manders. Curculio Bassos e Diego Santomé. Peza de esquina e outros espazos en conflito.
23 Outubro 2014 - 25 Outubro 2014
O CGAC colabora coa programación de cine do festival WOMEX 14 acollendo as proxeccións abertas de tres filmes baixo o título From Berlin to the World.