No marco da exposición Nicasso e co obxectivo de profundar na obra de Carlos Pazos, o CGAC programa dúas sesións de cine comentadas, coa participación do propio artista, nas que se proxectarán as súas películas máis destacadas.
Actividades
O Departamento de Actividades e Educación do CGAC desenvolve o seu programa cunha finalidade primordial: achegar a arte á sociedade a través da análise rigorosa de cuestións cruciais inherentes á actividade artística contemporánea.
Ciclos de cine e de conferencias, talleres, seminarios e concertos constitúen a oferta fundamental de actividades do centro, que procura involucrar un abano de público que oscila desde o sector profesional do mundo da arte e da cultura ata o cada vez máis numeroso colectivo de artistas e estudantes de belas artes e historia, sen esquecer a todas aquelas persoas interesadas na evolución da arte e a reflexión estética.
Ao mesmo tempo, o CGAC desenvolve programas específicos para centros educativos, así como un servizo de visitas guiadas, co propósito de dotar os distintos colectivos que se achegan ao museo das ferramentas necesarias para entender a arte actual e, por extensión, o mundo no que vivimos.
Se desexa recibir información sobre as actividades do CGAC, pode solicitalo enviando unha mensaxe aos seguintes enderezos electrónicos:
11 Decembro 2025
18:00 h
A colaboración entre dúas institucións como o COAG e o CGAC fai posible presentar en Santiago de Compostela O primeiro Siza, un documental que regresa ao inicio dunha das máis importantes traxectorias da arquitectura contemporánea portuguesa e no que se revelan as Catro Casas de Matosinhos, a primeira obra de Álvaro Siza, proxectada cando aínda era estudante.
20 Febreiro 2025
17:00-20:00 h
O CGAC, en colaboración coa empresa Fresdeval Films, acollerá no seu auditorio a preestrea en Galicia da película Morlaix (Jaime Rosales, 2025) que xa se levou a cabo noutros museos e universidades de España. Tras a proxección do filme, terá lugar un debate no que participarán o director, Jaime Rosales; a catedrática en Comunicación Audiovisual, escritora, investigadora e cineasta Margarita Ledo e o director do CGAC, Santiago Olmo.
28 Novembro 2024 - 30 Novembro 2024
Ao longo de tres xornadas, Miguel Ángel Delgado proponnos reflexionar sobre unha selección de obras de cineastas e artistas galegas que, coas súas prácticas e a súa experimentación na intersección do cine e do museo, abriron novos imaxinarios cos que descubrir e interrogar a realidade.
9 Outubro 2024 - 27 Novembro 2024
18:30 h
O ciclo de cinema Novos imaxinarios introduce parte da produción cinematográfica dos creadores e creadoras participantes na exposición e permítenos descubrir as inquietudes artísticas que foron configurando os seus imaxinarios desde os primeiros momentos da súa traxectoria.
8 Outubro 2023
13:00 h
Curtocircuíto é un festival internacional que xurdiu en 2003 por iniciativa do Concello de Santiago de Compostela coa intención de potenciar a creación cinematográfica no ámbito da curtametraxe e que se foi consolidando pouco a pouco ata converterse nunha das citas de referencia para a creación cinematográfica independente en España.
8 Outubro 2022
16.00 h
Un ano máis o CGAC colabora co festival internacional de cinema Curtocircuíto na súa 19ª. edición.
O festival naceu en Santiago de Compostela no ano 2003 como unha iniciativa do concello da cidade coa intención de potenciar a creación cinematográfica no ámbito da curtametraxe.
28 Setembro 2022 - 30 Setembro 2022
19:00 h
A exposición Nalgures subliña a atención de Narelle Jubelin (Sidney, Australia, 1960) sobre aquelas realidades que a linealidade da historia oficial esquece. Con esa vontade, abraza as subalternidades duns e doutros contextos, propios e alleos, para revisar memorias que nos permitan definir a nosa actitude diante deses feitos.
20 Maio 2021 - 22 Maio 2021
6.00 p.m.
Este ciclo de cinco gravacións e películas reúne unha serie de colaboracións coa escritora IONE, ademais da mezzosoprano e artista Loré Lixenberg e o compositor experimental Frédéric Acquaviva.