Unha vez máis, o CGAC foi convidado a participar na Semana da Ópera do Teatro Real de Madrid. Nesta ocasión, o noso auditorio acollerá a retransmisión en directo de Adriana Lecouvreur de Francesco Cilea (1866-1950), baseada na obra de teatro homónima de Eugène Scribe e Ernest Legouvé.
Actividades
O Departamento de Actividades e Educación do CGAC desenvolve o seu programa cunha finalidade primordial: achegar a arte á sociedade a través da análise rigorosa de cuestións cruciais inherentes á actividade artística contemporánea.
Ciclos de cine e de conferencias, talleres, seminarios e concertos constitúen a oferta fundamental de actividades do centro, que procura involucrar un abano de público que oscila desde o sector profesional do mundo da arte e da cultura ata o cada vez máis numeroso colectivo de artistas e estudantes de belas artes e historia, sen esquecer a todas aquelas persoas interesadas na evolución da arte e a reflexión estética.
Ao mesmo tempo, o CGAC desenvolve programas específicos para centros educativos, así como un servizo de visitas guiadas, co propósito de dotar os distintos colectivos que se achegan ao museo das ferramentas necesarias para entender a arte actual e, por extensión, o mundo no que vivimos.
Se desexa recibir información sobre as actividades do CGAC, pode solicitalo enviando unha mensaxe aos seguintes enderezos electrónicos:
28 Setembro 2024
19:30 h
Auditorio do CGAC
Versión orixinal en italiano con sobretítulos en castelán
Auditorio do CGAC
Versión orixinal en italiano con sobretítulos en castelán
3 Setembro 2024 - 4 Setembro 2024
17:30 h
A danza regresará ás rúas compostelás do 5 ao 7 de setembro coa celebración da oitava edición do festival HerDanza.
Na súa programación volverá dar visibilidade aos proxectos emerxentes galegos de maneira que teñan un espazo para mostrar o seu traballo.
12 Xuño 2024
20:30 h
Organizadas polo Auditorio de Galicia - Compostela Cultura, o Concello de Santiago, o Centro Galego de Arte Contemporánea (CGAC) e a Universidade de Santiago de Compostela, co apoio económico da Deputación da Coruña, as Xornadas de Música Contemporánea traen a Compostela un calidoscopio de sons e propostas artísticas.
16 Maio 2024 - 25 Maio 2024
Un ano máis, o CGAC renova o seu compromiso coa performance a través da súa colaboración con Plataforma. Festival de artes performativas. Na súa quinta edición, este festival, que naceu coa vocación e co obxectivo de enriquecer a potencia cultural de Santiago de Compostela, converteuse xa nunha das citas culturais de referencia na cidade durante o mes de maio.
23 Xaneiro 2024 - 14 Maio 2024
O programa de concertos abertos busca achegar a música contemporánea e de vangarda a todos os públicos para dar testemuño das infinitas vías que esta disciplina posibilita. Camiños diversos, inauditos e divertidos, na procura da excelencia musical e performativa, e tamén dos procesos liberadores das artistas que os transitan.
2 Febreiro 2024
20:00 h
Maria Callas, unha cantante de ópera que transcendeu ese ámbito artístico para converterse nunha icona cultural con millóns de seguidoras e seguidores en todo o mundo, e que deu orixe á mitomanía que todas as sopranos actuais deben afrontar dun xeito ou doutro.
26 Outubro 2023 - 28 Outubro 2023
O congreso celebrarase os días 26, 27 e 28 de outubro de 2023. As sedes do congreso serán: A Casa das Campás (Universidade de Vigo, Campus de Pontevedra) e o Centro Galego de Arte Contemporánea (CGAC, Santiago de Compostela).
29 Setembro 2023 - 30 Setembro 2023
Con motivo do seu 30 aniversario, o CGAC deseñou un programa especial de concertos e espectáculos que, tomando como punto de partida o edificio que alberga o museo, combina diversas linguaxes e disciplinas artísticas como a danza, a videocreación e a música.
14 Setembro 2023 - 17 Setembro 2023
WOS Festival é un evento indoor de carácter anual que se celebra no mes de setembro en diferentes espazos de alto valor patrimonial de Santiago de Compostela, España.