Actividades

O trío de jazz Sumrrá ofrecerá un concerto temático e comentado cuxo repertorio estará centrado no seu disco 7 visións (2021). As pezas deste álbum fálannos da permanente danza do cosmos, reflexionan sobre a eterna cuestión da nosa posición periférica no universo e especulan sobre o que puido ocorrer no big-bang.

Como en edicións anteriores, o CGAC colabora coa Universidade de Vigo na organización do X Congreso Internacional de Performance Fugas e Interferencias.

O congreso ten como obxectivo principal afondar na análise e na reflexión arredor dos novos comportamentos da arte de acción, tanto desde a práctica artística como desde a reflexión teórica.

WOS Festival é un evento indoor de carácter anual que se celebra no mes de setembro en diferentes espazos de alto valor patrimonial de Santiago de Compostela, España. O festival presenta un amplo programa multidisciplinar cun enfoque en música electrónica e avant-garde, artes visuais, cinema, instalacións, obradoiros e conferencias.

O CGAC é convidado un ano máis a participar na Semana da Ópera do Teatro Real de Madrid. Nesta ocasión, acollerá a retransmisión en directo de La traviata, de Giuseppe Verdi. Unha das óperas máis queridas polo público, unha obra intensa, romántica e tráxica.

A soundpainting cumpre 51 anos. Neste faladoiro, Walter Thompson compartirá con Xacobe Martínez Antelo e con outros e outras soundpainters internacionais as súas impresións, a súa memoria e a súa visión de futuro para esta xenial ferramenta. En representación da Orquestra Galega de Liberación, Suelen Estar Quartet desenvolverá a parte práctica e sonora do faladoiro.

Con relevantes traxectorias individuais, Concha Jerez (As Palmas de Gran Canaria, 1941) e José Iges (Madrid, 1951) desenvolveron de forma paralela, desde hai máis de tres décadas, unha produción común. Con motivo da exposición Resignificacións, presentarán en vivo no CGAC algúns dos seus traballos individuais e conxuntos. O centro organizará ademais unha mesa redonda na que os artistas falarán sobre a evolución da súa obra con varios…

Plataforma. Festival de artes performativas chega á súa sexta edición como un dos festivais de referencia da cidade e unha cita cultural imprescindible. Nesta ocasión, o CGAC acollerá tres performances dirixidas a todos os públicos que se alternarán durante a tarde do sábado 24 de maio en distintas localizacións do museo.

Este programa ten como obxectivo achegar a música contemporánea ao público infantil e espertar nas novas xeracións a curiosidade pola arte do noso tempo.

Unha vez máis, o CGAC foi convidado a participar na Semana da Ópera do Teatro Real de Madrid. Nesta ocasión, o noso auditorio acollerá a retransmisión en directo de Adriana Lecouvreur de Francesco Cilea (1866-1950), baseada na obra de teatro homónima de Eugène Scribe e Ernest Legouvé.