PROGRAMA
TALLER DE PLÁSTICA CREAR CUN CHISME
Datas: do 7 ao 10 de xullo
Horario: de 9:00 a 14:00 h
Dirixido a nenos e nenas de 4 a 6 anos.
Prazas: 15
Imparte: Sofía Mediero
Prazo de inscrición: do 28 de maio ao 3 de xullo
Actividades
O Departamento de Actividades e Educación do CGAC desenvolve o seu programa cunha finalidade primordial: achegar a arte á sociedade a través da análise rigorosa de cuestións cruciais inherentes á actividade artística contemporánea.
Ciclos de cine e de conferencias, talleres, seminarios e concertos constitúen a oferta fundamental de actividades do centro, que procura involucrar un abano de público que oscila desde o sector profesional do mundo da arte e da cultura ata o cada vez máis numeroso colectivo de artistas e estudantes de belas artes e historia, sen esquecer a todas aquelas persoas interesadas na evolución da arte e a reflexión estética.
Ao mesmo tempo, o CGAC desenvolve programas específicos para centros educativos, así como un servizo de visitas guiadas, co propósito de dotar os distintos colectivos que se achegan ao museo das ferramentas necesarias para entender a arte actual e, por extensión, o mundo no que vivimos.
Se desexa recibir información sobre as actividades do CGAC, pode solicitalo enviando unha mensaxe aos seguintes enderezos electrónicos:
7 Xullo 2026 - 31 Xullo 2026
29 Abril 2026 - 1 Xullo 2026
Mércores de 19:00 a 20:30 h
A través do movemento, a improvisación e a creación colectiva, neste laboratorio de danza de oito sesións cuestionaremos como habitamos os lugares cotiáns: edificios públicos, prazas, rúas, muros ou recantos esquecidos. Exploraremos os espazos deseñados por Álvaro Siza Vieira no CGAC e outras arquitecturas da cidade.
20 Setembro 2025 - 30 Xuño 2026
O CGAC ofrece visitas guiadas gratuítas ás súas exposicións temporais de martes a venres de 11:00 a 13:00 horas. Este servizo ten como finalidade estimular o interese pola creación artística contemporánea e facilitar a comunicación entre o espectador e as obras de arte.
20 Setembro 2025 - 30 Xuño 2026
Nestas sesións didácticas, tanto presenciais coma en liña, realizaremos unha presentación con imaxes de diferentes obras de arte contemporáneas deténdonos na diversidade de soportes, materias, discursos, miradas e posibilidades expresivas e experimentais da arte actual. Ademais, durante a conversa, combinaremos a mostra de imaxes con dinámicas creativas dirixidas ao alumnado.
3 Outubro 2025 - 28 Xuño 2026
O obxectivo deste actividade é achegar á arte contemporánea aos centros educativos e estimular o interese das novas xeracións pola creación artística do seu tempo.
3 Outubro 2025 - 28 Xuño 2026
O obxectivo desta actividade é achegar a arte contemporánea aos centros educativos e estimular o interese das novas xeracións pola creación artística do seu tempo.
27 Xuño 2026
De 11:00 a 13:00 h
Un ano máis, o CGAC e o barrio de San Pedro únense para celebrar as súas populares festas cunha interesante proposta de actividades. Con este motivo, o museo organiza sendos talleres de creación colaborativa deseñados para acoller un fluxo continuo de xente durante dúas horas. O público poderá rematar o seu traballo nun e tomar parte no outro.
25 Xuño 2026
De 17:30 a 20:30 h
O presente ciclo reúne un destacado conxunto de artistas, tanto do contexto galego coma da esfera nacional, cuxas prácticas permiten trazar un panorama aberto, crítico e diverso das formas que adopta a performance contemporánea. As pezas seleccionadas comparten unha profunda vontade de explorar o corpo, a voz, a linguaxe, a memoria, e o cotián como espazos de pensamento e experiencia.
4 Setembro 2025 - 21 Xuño 2026
O obxectivo desta actividade é estimular o interese dos máis pequenos pola creación artística contemporánea e que aprendan experimentando coa arte. Nestas sesións didácticas presenciais realizaremos unha presentación con imaxes de diferentes tipoloxías de museos contemporáneos.