Actividades

Este programa ten como obxectivo achegar a música contemporánea ao público infantil e espertar nas novas xeracións a curiosidade pola arte do noso tempo.

Estas xornadas acompañan a exposición Mar Caldas. Mulleres, traballo e memoria. Mediante encontros semanais ao longo dos meses de marzo e abril, pretendemos reflexionar sobre os eixes temáticos da mostra desde unha perspectiva feminista.

A sétima arte e a moda viviron, desde as súas orixes, en constante e sorprendente interacción. Xa en 1931, Coco Chanel sentenciaba: “É mediante o cinema que hoxe pode impoñerse a moda”. As películas, por tanto, serviron para a construción de tendencias e iconas fashion, pero tamén nos permitiron indagar, en cada momento, acerca de ideas como a modernidade, os estereotipos de xénero ou o sex appeal.

A fotografía de alguén a quen nos une un vínculo afectivo sempre vai demandarnos unha pregunta…ou varias. Neste obradoiro traballaremos coas fotografías familiares, observándoas con atención, recuperando o seu contexto, escrutando os detalles, fixándonos tanto no que está coma no que non está.

O CGAC, en colaboración coa empresa Fresdeval Films, acollerá no seu auditorio a preestrea en Galicia da película Morlaix (Jaime Rosales, 2025) que xa se levou a cabo noutros museos e universidades de España. Tras a proxección do filme, terá lugar un debate no que participarán o director, Jaime Rosales; a catedrática en Comunicación Audiovisual, escritora, investigadora e cineasta Margarita Ledo e o director do CGAC, Santiago Olmo.

Con motivo do Día Internacional das Bibliotecas, a biblioteca do CGAC acolle unha intervención de Lourdes Pérez que nos propón romper coa orde establecida para explorar doutra maneira a rede de relacións ente autores, institucións e artistas que a conforman.

Coa chegada do Nadal, o CGAC presenta como, todos os anos, a súa proposta de actividades dirixidas a nenos e nenas de entre 4 e 9 anos.

Os e as participantes terán a oportunidade de vivir e de explorar a arte contemporánea da man da educadora e artista Rebeca Mariño.

Todos os domingos (excepto os que, por requirimentos de montaxe, non haxa exposicións), o público poderá achegarse ao CGAC para gozar das mostras expositivas acompañado por mediadoras especializadas en arte. Este servizo ten como finalidade estimular o interese pola creación artística contemporánea e facilitar a comunicación entre o espectador e as obras de arte.

O primeiro sábado de cada mes organizamos unha visita arredor da arquitectura e a historia do CGAC. Durante o transcurso destas visitas falarase do deseño de Álvaro Siza Vieira e da súa estreita relación formal e conceptual co parque de Bonaval e coa cidade que o acolle.