Actividades

Un ano máis, o CGAC e a asociación veciñal A Xuntanza, colaboran na programación de actividades conxuntas para as festas do barrio de San Pedro. Este obradoiro propón unha aproximación ao barrio de San Pedro co fin de reimaxinalo a través do debuxo e de lles dar unha segunda vida a aqueles edificios que actualmente se atopan desocupados ou abandonados.

Dándolle continuidade ao proxecto Mundo Quark, que tivo lugar o ano pasado como parte do programa das festas do barrio de San Pedro, o CGAC colabora de novo coa asociación veciñal A Xuntanza e o IGFGAE (Instituto Galego de Física de Altas Enerxías) na programación dunha segunda edición deste taller que explora a interconexión entre a danza e a ciencia.

A moda é un importante sector económico que ten cada vez unha maior presenza na vida cotiá: está nas rúas, nos medios de comunicación e forma parte da actividade lúdica e cultural. A moda é tan omnipresente que esperta en moitos e moitas de nós a curiosidade por atopar respostas a esa novidosa relevancia que acadou no século XXI.

O CGAC presenta a décima edición deste ciclo de talleres dedicados á arquitectura contemporánea e dirixidos ao público infantil, cunha sesión final pensada para aprender e gozar en familia.

Con relevantes traxectorias individuais, Concha Jerez (As Palmas de Gran Canaria, 1941) e José Iges (Madrid, 1951) desenvolveron de forma paralela, desde hai máis de tres décadas, unha produción común. Con motivo da exposición Resignificacións, presentarán en vivo no CGAC algúns dos seus traballos individuais e conxuntos. O centro organizará ademais unha mesa redonda na que os artistas falarán sobre a evolución da súa obra con varios…

Plataforma. Festival de artes performativas chega á súa sexta edición como un dos festivais de referencia da cidade e unha cita cultural imprescindible. Nesta ocasión, o CGAC acollerá tres performances dirixidas a todos os públicos que se alternarán durante a tarde do sábado 24 de maio en distintas localizacións do museo.

Este curso realiza un percorrido en imaxes desde o xurdimento das vangardas artísticas, nos inicios do século XX, ata a aparición do posmodernismo, na década de 1970, un período que supuxo unha transformación radical na maneira de entender a fotografía.

O obxectivo do Día Internacional dos Museos (DIM) é concienciar as persoas usuarias sobre a importancia dos museos como medio para o intercambio, o enriquecemento cultural, a colaboración, o coñecemento mutuo e a paz entre os pobos. O DIM celébrase, coa participación de 158 países e territorios de todo o planeta, arredor do 18 de maio.

Volvemos un ano máis cos talleres para familias! Un proxecto no que tías, sobriños, avós, netas, pais, irmáns… se poden introducir no mundo da arte contemporánea explorando cada etapa do proceso creativo a partir da obra de diferentes artistas.