O Departamento de Actividades e Educación do CGAC desenvolve o seu programa cunha finalidade primordial: achegar a arte á sociedade a través da análise rigorosa de cuestións cruciais inherentes á actividade artística contemporánea.
Ciclos de cine e de conferencias, talleres, seminarios e concertos constitúen a oferta fundamental de actividades do centro, que procura involucrar un abano de público que oscila desde o sector profesional do mundo da arte e da cultura ata o cada vez máis numeroso colectivo de artistas e estudantes de belas artes e historia, sen esquecer a todas aquelas persoas interesadas na evolución da arte e a reflexión estética.
Ao mesmo tempo, o CGAC desenvolve programas específicos para centros educativos, así como un servizo de visitas guiadas, co propósito de dotar os distintos colectivos que se achegan ao museo das ferramentas necesarias para entender a arte actual e, por extensión, o mundo no que vivimos.
Se desexa recibir información sobre as actividades do CGAC, pode solicitalo enviando unha mensaxe aos seguintes enderezos electrónicos:
Este curso ten como finalidade ofrecer unha análise completa das principais correntes, artistas e problemáticas que configuraron a historia da arte desde finais do século XIX ata os nosos días.
Partindo das vangardas históricas e das súas orixes, examinaranse as transformacións estéticas, conceptuais e institucionais que redefiniron o que hoxe entendemos por arte.
A Colectiva (Asociación Profesional de Artistas de Galicia), en colaboración co CGAC, trae a Galicia un formato de xornadas que xa leva tempo organizándose noutras comunidades do Estado español e que responde a unha demanda urxente do sector da arte no noso territorio.
A colaboración entre dúas institucións como o COAG e o CGAC fai posible presentar en Santiago de Compostela O primeiro Siza, un documental que regresa ao inicio dunha das máis importantes traxectorias da arquitectura contemporánea portuguesa e no que se revelan as Catro Casas de Matosinhos, a primeira obra de Álvaro Siza, proxectada cando aínda era estudante.
Territorio é unha exposición de vídeo que busca achegar ao público as particularidades da escena artística de Centroamérica a través de 18 proxeccións de artistas procedentes de Guatemala, Nicaragua, Costa Rica, El Salvador, Honduras e Panamá.
Legados. Espazos para o coidado das creacións contemporáneas é un proxecto que nace da preocupación compartida co sector da arte contemporánea polo destino dos legados dos artistas de maior idade, así como pola situación económica e xurídica que adoita acompañar este colectivo.
A arte, na súa transformación continua, estivo sempre ligada ao progreso tecnolóxico e ás novas ideas que del derivan. Porén, na actualidade, debido á incidencia directa que os avances científicos e tecnolóxicos teñen na nosa vida cotiá, a relación da ciencia e da tecnoloxía cos campos da creación é máis estreita ca nunca.
A proposta preséntalle ao alumnado —a partir do segundo curso da ESO— unha experiencia de inmersión no universo da música contemporánea escrita por grandes compositores e compositoras dos séculos XX e XXI.
O ciclo Solos no CGAC presenta o encontro do público coas composicións imprescindibles do noso tempo: aquelas que mellor souberon mostrar a pluralidade dunha época a través das súas distintas estéticas e formulacións formais.
A vida, a escola e a arte son de cor. Este é un dos recursos fundamentais para a lectura e a creación de imaxes, está presente no currículo durante todas as etapas educativas e é un eixe transversal que nos permite aprender desde diferentes áreas.