Os rapaces e rapazas que participen nestes talleres de lecer poderán experimentar e coñecer algunhas das claves da arte contemporánea, adquirir ferramentas para a creación, estratexias artísticas, reflexionar sobre a arte e, sobre todo, gozar co proceso. As educadoras Candela Rajal e Lara Torres dirixirán tres talleres plásticos a partir da exposición Pouco a pouco, de Ângela Ferreira, e da mostra colectiva We Refugees.
Busca
Selma Uamusse canta o seu propio mundo, e leva todo un mundo dentro dela. A súa poderosa voz e a súa versatilidade brillan en diversos ámbitos: desde rock a afrobeat, pasando polo gospel, soul e jazz. Uamusse enriqueceu a súa viaxe con diferentes linguaxes, sempre consciente do poder transformador social e político da música.
Xoves, 4 de xullo ás 19:30 h Auditorio do CGACDavid Lamelas é unha figura clave da arte conceptual e un dos grandes protagonistas da escena artística arxentina na década dos sesenta. Desde os seus inicios, a súa obra distinguiuse por unha singular capacidade para adaptarse a distintos contextos, xa fosen artísticos, arquitectónicos ou xeográficos, en cidades como Londres, Bruxelas, París, Milán, Los Angeles, Nova York ou Berlín.
19 e 20 de xuño ás 19:00 h Auditorio do CGAC Entrada libre e gratuítaManthia Diawara (Bamaco, Malí, 1953) é cineasta e teórico cultural. Formado na República de Guinea e París, viaxa a Estados Unidos onde exerce como docente e desenvolve unha ampla obra fílmica e ensaística. Gran parte da súa investigación céntrase no estudo da cultura da diáspora africana.
Horario: mércores de 19:00 a 20:30 h “Disidentes!”, así cualificaban os membros da Fronte Popular de Xudea os da Fronte Xudaica Popular, e era tamén o berro que lle dirixían ao único membro da Unión Popular de Xudea, sentado unhas bancadas máis abaixo. Esta mítica escena de A vida de Brian (1979) dos Monty Python ilustra graficamente a etimoloxía de dissidere: o acto físico de “sentar á parte”, de “estar separado” e de aí, por extensión, a discrepancia, a resistencia e finalmente, quizá, a sublevación.
WOS Festival x SON Estrella Galicia celébrase desde fai seis anos cada mes de setembro nunha ducia de localizacións excepcionais da cidade de Santiago de Compostela, todas elas a pouca distancia da catedral, nun barrio histórico declarado Patrimonio da Humanidade. Os espazos inclúen dous museos, dous teatros, unha igrexa do século XVIII, edificios singulares como a Cidade da Cultura ou a Sede da Fundación SGAE, un mercado, dúas salas de concertos e unha sala de cinema independente entre outros lugares destinados a crear experiencias únicas para unha audiencia reducida.
Desde este festival buscamos a dinamización e promoción da danza contemporánea nalgúns dos espacios máis representativos e fermosos da cidade. HerDanza é unha proposta diferente da que todos os públicos poderán gozar. O festival desenvolverase durante unha semana e ofrecerá diversas actividades arredor da danza contemporánea: talleres formativos, conversas con profesionais da danza, proxeccións e espectáculos de pequeno e mediano formato en rúas, claustros e espazos abertos de Santiago de Compostela.
Esta exposición, presentada no MACBA a principios do 2011, chega ao CGAC co propósito de mostrar ao público compostelán como formas moi diversas de comprender a imaxe e a vida dos conceptos contribuíron a debuxar o horizonte do noso presente cultural.
Horario: de 10:00 a 14:00 h O taller de artista concibido por Elo Vega e Rogelio López Cuenca para o CGAC consiste nunha relectura crítica do xeito en que se pode construír a percepción do fenómeno migratorio a partir das prácticas artísticas contemporáneas. A través dunha serie de casos concretos, os artistas propóñennos analizar diversas estratexias aplicadas en proxectos de intervención artística relacionados co tema da exposición We Refugees, que se pode ver no CGAC ata o 13 de outubro. Ademais, formularanse posibles proxectos prácticos tendo en conta o contexto específico en que nos atopamos.
Un ano máis o CGAC colabora co festival internacional de cine Curtocircuíto na súa 16ª edición.O festival naceu en Santiago de Compostela no ano 2003 como unha iniciativa do concello da cidade coa intención de potenciar a creación cinematográfica no ámbito da curtametraxe.
A partir dalgunhas das obras presentes na exposición We Refugees, o seminario aborda, a través de textos artísticos e teóricos, unha xenealoxía da constitución do espazo moderno e contemporáneo como un lugar residual, onde as persoas disidentes, desprazadas, refuxiadas ou consideradas unha ameaza para a orde político-racial- social son canalizadas, contidas e, en determinadas circunstancias históricas, mesmo aniquiladas.
O CGAC presenta a quinta edicion deste ciclo de talleres dedicado á arquitectura contemporánea e dirixido ao público infantil. Este ano pecharemos de novo o programa cun obradoiro dirixido ás familias. Os talleres, que teñen lugar a última fin de semana de cada mes, desenvólvense baixo a dirección do arquitecto Fermín Blanco co apoio do equipo didáctico do Sistema Lupo. O seu obxectivo é proporcionarlles aos nenos e nenas as ferramentas e as claves precisas para interpretar a arquitectura do noso tempo a través das teorías, os proxectos e os traballos dos arquitectos e arquitectas máis importantes dos últimos tempos. Os temas serán tratados transversalmente, empregando a arquitectura como fío condutor e valéndonos de diferentes figuras do contexto arquitectónico para introducirnos en mundos creativos a través do seu pensamento.
A historia do século XX está atravesada polo drama de conflitos bélicos cuxo resultado foron millóns de persoas desprazadas, exiliadas, expatriadas e refuxiadas. Dramas colectivos e dramas individuais. A propia historia da humanidade construíuse a partir de experiencias como o desprazamento forzoso, a fuxida e o asilo. A exposición We Refugees retoma o título dun coñecido ensaio de Hannah Arendt publicado en 1943 en Menorah Journal, unha revista xudía de Nova York, co obxectivo de indicar e sinalar a universalidade do exilio e a construción de sociedades democráticas ao amparo do dereito de asilo. Para completar e acompañar a exposición deseñouse un completo programa de actividades que comezou no mes de maio con senllos seminarios, dirixidos por Matías G. Rodríguez-Mouriño e Santiago Olmo, e centrados respectivamente nas manifestacións musicais e literarias do exilio e os refuxiados.
“Durante os meses de outubro e novembro de 2016 presentei, en colaboración co Festival Internacional de Arte e Dereitos Humanos ARTifariti, o proxecto READING_State of Siege. Este festival ten lugar cada ano nos campamentos de refuxiados saharauís de Tinduf en Alxeria".
Continuaremos a viaxe polo mundo indagando sobre diferentes culturas e xeitos de facer. Nesta ocasión pulsaremos o botón de parada na Arxentina, onde baixaremos para explorar o traballo de cinco artistas cuxas miradas, intereses e recursos artísticos nos darán pistas para experimentar e crear xogando co espazo, a percepción e as cores, a proporción, a distorsión, a ambientación e a ilusión sensorial.
O vindeiro martes 22 de outubro de 9:00 a 14:00 horas o auditorio do CGAC acollerá unha xornada organizada pola Federación Autismo Galicia para reflexionar acerca das relacións entre autismo e cultura e promover a integración das persoas con trastornos do espectro do autismo (TEA) no ámbito da cultura.
Alegacións a medida persegue o serpeante percorrido social, económico e cultural do século XX en Occidente a través da evolución da vestimenta. A moda, en estreita relación coa arte, a música e o cinema ao longo do século, é manifesto fiel da historia do seu tempo.
Este Nadal realizaremos catro talleres arredor de dúas das exposicións que temos en curso. Achegarémonos á arte contemporánea desde o lecer, mergullándonos nos procesos creativos a través das múltiples linguaxes, soportes, materiais, técnicas e conceptos da arte máis actual.Visitaremos a mostra do artista Jesús Madriñán, que traslada ao museo a súa experiencia no Camiño de Santiago a través dos retratos das xentes que foi atopando durante a viaxe. Estes retratos servirannos para desenvolver un taller didáctico sobre as múltiples posibilidades deste xénero.Pasearemos xunto ás obras do artista Pedro Cabrita Reis para gozar dos seus obxectos atopados, da idea da construción a partir da destrución e das súas intervencións no espazo.
A exposición Cómo nos miran reúne fondos da colección permanente do CGAC e a colección Fundación ARCO. Con obras que abranguen un período de case trinta anos -de 1970 a 2007- e con autores de xeracións e xeografías distintas, a mostra incide sobre os modos nos que a (auto)representación se manifesta como proceso de cuestionamento de convencións historicamente construídas.
O CGAC desexa continuar cos actos de celebración do 25 aniversario da institución, dándolle cabida a unha das iniciativas máis celebradas e estrañadas. O Departamento de Música, fundado por Manuel Rodeiro entre 1994 e 1995, erixiuse en poucos anos nunha plataforma activa e nun modelo de xestión que conseguiu xuntar a innovación e a esixencia artística cun interese do público sen precedentes. Por este motivo volvéuselle pedir ao seu responsable que coordinase unha serie de actividades para revivir en dúas intensas xornadas o espírito daquela aventura e renderlles unha homenaxe ás persoas e impulsos que a fixeron posible.