Intrahistorias da arquitectura é un programa nado con vocación didáctica, un curso apoiado no impulso investigador e científico, con carácter divulgador e crítico.
Busca
Este proxecto nace coa vocación de xerar, desde a arte contemporánea, un espazo de aprendizaxe, creación e motivación para menores en situación de hospitalización.
A mediados dos anos noventa, un novo Misha Bies Golas (Lalín, Pontevedra, 1977) descobre o CGAC desde unha sorte de pulsión e curiosidade pola institución que acababa de ser fundada en Santiago de Compostela. Trinta anos despois, o artista regresa cun proxecto que condensa máis de dúas décadas de investigación ao redor das vangardas históricas , entendidas como un campo de tensións, desprazamentos e procesos inacabados.
O CGAC presenta un novo programa de educación artística dirixido a todos os públicos para a integración de persoas con diversidade funcional.
Figura senlleira no contexto cultural galego, Antón Reixa (Vigo, 1957) non se deixa clasificar doadamente. O que mellor o define é a súa relación umbilical coa linguaxe e cos modos de se converter esta en instrumento de creación poética e de comentario sociopolítico, en soporte dunha actividade musical que definiu un territorio único na emerxencia de rupturas no panorama galego e nacional dos anos oitenta, primeiro con Os Resentidos e despois con Nación Reixa ou en aventuras en solitario, e, finalmente, en áncora de traballos multimedia que son o motivo da exposición que agora presenta no CGAC.
A arte do pasado século e a dos nosos días proxectan un desenvolvemento cheo de descontinuidades ateigado de referencias e de linguaxes que se encadean coa tradición artística occidental ou, polo contrario, co seu rexeitamento. A súa interpretación ofrécenos unha variedade de estratexias operativas suxeitas ao hábitat creado polas condicións ambientais de cada momento e á acción particular de cada autor.
Na varanda é un programa educativo e de creación cuxo obxectivo é o encontro, o diálogo e o achegamento entre o museo e a veciñanza de Santiago de Compostela.
O modo de abordar a paisaxe, de representar o territorio ou de mirar aquilo que pensamos, encóntrase condicionado por unha gran trama cultural; e son de múltiple natureza os elementos que interveñen na súa construción física ou imaxinaria.
Comezamos o 2019 cunha nova edición de Talleres para familias no CGAC. Os nenos e nenas de entre 4 e 9 anos están convidados a vir con dous dos seus familiares a participar nesta actividade que ten lugar a terceira fin de semana de cada mes.
A construción da imaxe videográfica en Galicia desde os anos oitenta do século XX ata hoxe resolve algúns aspectos de carácter creativo, ideolóxico, de compromiso e reivindicación social, e por suposto estéticos —por tanto, de cultura visual entroncada coa cultura individual e colectiva—.
Repetimos este ciclo de cursos prácticos para docentes que presenta a arte contemporánea como ferramenta de aprendizaxe na aula. O programa está estruturado ao redor de tres eixes de gran presenza na educación formal (as matemáticas, a narración e o coñecemento do contorno natural) e deseñado para explorar os límites entre áreas de coñecemento e convidar os educadores a experimentar e aprender antes de levar as súas propostas á aula.
Compostela Conversa é un ciclo cultural que se inicia en 2017 na cidade de Santiago de Compostela, co obxectivo de dar voz ao novo talento musical galego ao tempo que o conecta con artistas de outras disciplinas e xeografías, fomentando a reflexión sobre a escena actual. Nesta terceira edición, que se celebrará os día 15 e 16 de febreiro, o Concello de Compostela e o CGAC colaboran para reivindicar os 20 anos da celebración de Lost in Sound.
Os modelos discursivos aplicados á análise da arte van mudando ao mesmo tempo que as propias tendencias, coas achegas de investigadores que formulan novas propostas teóricas e metodolóxicas. Nestas xornadas pretendemos presentar algúns dos enfoques máis innovadores que se están a aplicar ao estudo do fenómeno artístico tanto desde a historia da arte como desde a estética.
O 18 de maio, Día Internacional dos Museos, celebrarase este ano baixo o lema Os museos como eixes culturais: o futuro da tradición. Nesta edición, o ICOM (Consello Internacional de Museos) propón subliñar os novos papeis que desempeñan os museos como axentes activos nas súas comunidades. Con este fin e ao longo da semana, o CGAC programa diferentes sesións de cinema, música, talleres didácticos e visitas guiadas que fomentarán a integración social e o achegamento da arte a todos os públicos.
Grupo Instrumental Siglo XX - Florian Vlashi Centro Galego de Arte Contemporánea Martes, 7 de maio de 2019, 20:00 h Antes do concerto, ás 19:30 horas, terá lugar unha visita guiada dos comisarios Anne Heyvaert e Santiago Olmo á exposición de René Heyvaert.
O Centro Galego de Arte Contemporánea acollerá a exposición Jeff Wall. O sendeiro sinuoso, comisariada por Joël Benzakin, organizada polo Centro de Belas Artes de Bruxelas (Bozar) en colaboración co CGAC, entre o vindeiro 12 de novembro de 2011 e o 26 de febreiro de 2012. A mostra todos os espazos expositivos do edificio.
Horario
O horario de apertura do CGAC é o seguinte:
O exilio debido a conflitos políticos é un dos dramas que mellor caracterizan a historia do século XX. O dereito de asilo foi concibido como un dos alicerces fundamentais das democracias europeas modernas tras a Segunda Guerra Mundial, tanto para combater os totalitarismos como para construír unha idea de política ética e solidaria e, pola súa vez, amortecer os efectos do exilio nas vidas das persoas en todo o mundo. Por iso o dereito de asilo é tamén o cimento fundador e democrático da Unión Europea (e consecuentemente de todos os seus países membros), que se basea na liberdade de expresión, pensamento e credo relixioso. Como parte esencial do proxecto, desenvolveranse diversos espazos de discusión e debate, así como varios talleres e seminarios que terán lugar nos meses de xuño e outubro.
Sábado, 1 de xuño de 2019 Salas da exposición Vestiges d’un ici, vestixios de si de Loreto Martínez Troncoso
As Xornadas de Música Contemporánea están organizadas polo Concello de Santiago, a USC, o Consorcio de Santiago, a Deputación da Coruña e o CGAC e contan coa colaboración da beca Fulbright, o New York Women Composers, a Universidade de Pennsylvania, o Conservatorio Teresa Berganza, a Escola de Altos Estudos Musicais, o Conservatorio Profesional de Música de Santiago e Womarts.